ଓଡ଼ିଶା 365 (ବ୍ୟୁରୋ): ରିଲ୍ସ ପାଇଁ ଚର୍ଚ୍ଚାରେ ଥାଆନ୍ତି ବିହାର ଭାଗଲପୁରର ଅଭିନେତ୍ରୀ ସଞ୍ଚିତା ବସୁ । ସୋସିଆଲ ମିଡିଆରେ ଦିନକୁ ଦିନ ବଢ଼ିବାରେ ଲାଗିଛି ସଞ୍ଚିତାଙ୍କ କ୍ରେଜ୍ । ଏହାସହ ତାଙ୍କର ଲକ୍ଷ୍ୟ ଲକ୍ଷ୍ୟ ଫ୍ୟାନ୍ସ ଫଲୋର୍ସ ମଧ୍ୟ ଅଛନ୍ତି । ତାଙ୍କୁ ସାଉଥ୍ ଫିଲ୍ମ ‘ଫାର୍ଷ୍ଟ ଡେ, ଫାର୍ଷ୍ଟ ଶୋ’ରେ ନାୟିକା ଭୂମିକାରେ ଦେଖିବାକୁ ମିଳିଥିଲା । ଦର୍ଶକମାନେ ତାଙ୍କ ରିଲ୍ସ ଏବଂ ପିଲ୍ମକୁ ବହୁତ ପସନ୍ଦ କରନ୍ତି। ହେଲେ ଏହାରି ଭିତରେ ଜଣେ ଟ୍ରକ ଡ୍ରାଇଭର ସଞ୍ଚିତା ବସୁଙ୍କ ପ୍ରେମରେ ପଡିଛନ୍ତି। ଯାହା ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସେ କହିଛନ୍ତି ଯେ, ମୁଁ ସଞ୍ଚିତାଙ୍କୁ ଭଲ ପାଏ ଏବଂ ମୁଁ ତାଙ୍କ ବିନା ବଞ୍ଚିବା ଅସମ୍ଭବ । ଏହାସହ ସେ ସଞ୍ଚିତାଙ୍କ ପାଇଁ ଉଭୟ କିଡନୀ ଦାନ କରିବାକୁ ମଧ୍ୟ ପ୍ରସ୍ତୁତ ଅଛନ୍ତି। ଖବର ମୁତାବକ, ବବି କୁମାର ମିଶ୍ର ନାମକ ଜଣେ ଫେସବୁକ ୟୁଜର୍ସ ତାଙ୍କ ଆକାଉଣ୍ଟରେ ଯୁବକଙ୍କ ଏହି ଭିଡିଓ ଶେୟାର କରିଛନ୍ତି। ସଞ୍ଚିତା ବସୁ ଭାଗଲପୁରର ବାସିନ୍ଦା ହୋଇଥିବାବେଳେ, ସେ ସାଉଥ ଇଣ୍ଡଷ୍ଟ୍ରିଜରେ କାମ କରନ୍ତି।
ବର୍ତ୍ତମାନ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାରେ ଲାଗିଛି, ଏଥିରେ ଟ୍ରକ ଡ୍ରାଇଭର କହୁଛନ୍ତି ଯେ ସେ ଅଭିନେତ୍ରୀଙ୍କ ବିନା ବଞ୍ଚି ପାରିବେ ନାହିଁ। ପ୍ରତିଦିନ ଅଭିନେତ୍ରୀଙ୍କ ରିଲ୍ସ ଦେଖି ଦେଖି ସେ ସଞ୍ଚିତାଙ୍କ ପ୍ରେମରେ ପଡିଥିଲେ। ସେ ରିଲ୍ସ ଦେଖୁଥିବାରୁ ସେ କାମ କରିବାରେ ଅସମର୍ଥ ହୋଇଥିଲେ। ସେ ସଞ୍ଚିତଙ୍କୁ କେବେ ଦେଖି ନାହାଁନ୍ତି, ହେଲେ ତାଙ୍କୁ ବହୁତ ଭଲ ପାଆନ୍ତି। ଏବଂ ସଞ୍ଚିତାଙ୍କ ପାଇଁ ସେ ଉଭୟ କିଡନୀ ଦାନ କରିବାକୁ ପ୍ରସ୍ତୁତ ଅଛନ୍ତି ବୋଲି କହିଛନ୍ତି ଏହି ଟ୍ରକ ଡାଇଭର ।
