ଓଡ଼ିଶା 365 (ବ୍ୟୁରୋ): ଯାଜପୁର ଜିଲ୍ଲା ବୈତରଣୀ ରୋଡ଼ ରେଳ ଷ୍ଟେସନ୍ ନିକଟରେ ବଡ଼ ଅଘଟଣ। ରେଳ ଧାରଣା ପାର୍ ହେଉଥିବା ବେଳେ ଟ୍ରେନ୍ ଧକ୍କାରେ ଚାଲିଗଲା ସ୍ୱାମୀ-ସ୍ତ୍ରୀଙ୍କ ଜୀବନ। ମୃତ ସ୍ୱାମୀ-ସ୍ତ୍ରୀ ଦୁଇ ଜଣ ହେଲେ କୋରେଇ ବ୍ଲକ ବରୁଣ୍ଡେଇ ଗାଁର ଆଶୁତୋଷ ସିନ୍ହା (୭୩) ଓ ତାଙ୍କ ସ୍ତ୍ରୀ ଲକ୍ଷ୍ମୀପ୍ରିୟା ସିନ୍ହା ବୋଲି ଜଣାଯାଇଛି।
ସୂଚନା ଅନୁଯାୟୀ, ଆଶୁତୋଷ ଏବଂ ତାଙ୍କ ସ୍ତ୍ରୀ ଲକ୍ଷ୍ମୀ ବାରିପଦାରେ ରହୁଥିବା ବେଳେ ଦୁର୍ଗାପୂଜା ପାଇଁ ନିଜ ଘରକୁ ବାଲେଶ୍ୱରରୁ ଇଷ୍ଟକୋଷ୍ଟ ଏକ୍ସପ୍ରେସ ଯୋଗେ ଆସି ବୈତରଣୀ ରୋଡ ରେଳଷ୍ଟେସନ ଓହ୍ଲାଇଥିଲେ। ଟ୍ରେନ ଲାଇନ ପାର ହୋଇ ଅନ୍ୟ ପ୍ଲାଟଫର୍ମ ଉପରକୁ ଚଢ଼ୁ ଥିବାବେଳେ ଡାଉନ ଲାଇନରେ ଆସୁଥିବା ମୁଜାଫରପୁର ଏକ୍ସପ୍ରେସ ଉଭୟକୁ ପିଟିଥିଲା । ଫଳରେ ସ୍ୱାମୀ ସ୍ତ୍ରୀଙ୍କର ମୃତ୍ୟୁ ହୋଇଯାଇଛି। ପୋଲିସ୍ ଘଟଣାର ତଦନ୍ତ ଜାରି ରଖିଛି।
