ଓଡ଼ିଶା 365 (ବ୍ୟୁରୋ): ଆଜି ମହାସପ୍ତମୀ ପୂଜା। ଜଗତଜନନୀ ମା’ଙ୍କ ଘଟ ସ୍ଥାପନ ସହ ନବପତ୍ରିକା ପ୍ରବେଶ, ଚକ୍ଷୁ ଦାନ, ପ୍ରାଣ ପ୍ରତିଷ୍ଠା କରାଯିବ। ମନ୍ତ୍ରଧ୍ୱନିରେ ପ୍ରକଂପିତ ହେଉଛି ପୀଠ ଓ ପୂଜା ମଣ୍ଡପ। ଏହାରି ମଧ୍ୟରେ ନିଆରା ଢଙ୍ଗରେ ସମସ୍ତଙ୍କୁ ପବିତ୍ର ଦୁର୍ଗାପୂଜାର ଶୁଭେଚ୍ଛା ଦେଇଛନ୍ତି ଅନ୍ତର୍ଜାତୀୟ ଖ୍ୟାତିସମ୍ପନ୍ନ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ।
ପୁରୀ ବେଳାଭୂମିରେ ମା’ ଦୁର୍ଗାଙ୍କ ବାଲୁକାକଳା ତିଆରି କରି ବିଶ୍ୱବାସୀଙ୍କୁ ଦୁର୍ଗାପୂଜାର ଶୁଭେଚ୍ଛା ଜଣାଇଛନ୍ତି । ପୁରୀ ବେଳାଭୂମିରେ ୨ ହଜାର ଦୀପରେ ମା ଙ୍କ କଳାକୃତି ନିର୍ମାଣ କରି ଗଗନାୟାନର ସଫଳତା କାମନା କରିଛନ୍ତି ସୁଦର୍ଶନ l ଏହି ଆକର୍ଷଣୀୟ ବାଲୁକା ଚିତ୍ରକଳାଟିକୁ କରିବା ପାଇଁ ଶ୍ରୀ ପଟ୍ଟନାୟକଙ୍କୁ ପ୍ରାୟ ୩ ଘଣ୍ଟା ସମୟ ଲାଗିଥିଲା l
