ଓଡ଼ିଶା 365 (ବ୍ୟୁରୋ) : ବିଶ୍ୱକପ୍ ୨୦୨୩ରେ ଶନିବାର ଖେଳାଯିବ ଦୁଇଟି ମ୍ୟାଚ୍ । ପ୍ରଥମ ମ୍ୟାଚ୍ ନେଦରଲାଣ୍ଡ ଓ ଶ୍ରୀଲଙ୍କାକୁ ଲକ୍ଷ୍ନୌରେ ଭେଟୁଥିବାବେଳେ ୨ୟ ମ୍ୟାଚ୍ ମୁମ୍ବାଇର ଓ୍ୱାଙ୍ଖଡେ ଷ୍ଟାଡିୟମ୍ରେ ଇଂଲଣ୍ଡ ଓ ଦକ୍ଷିଣ ଆଫ୍ରିକା ମୁହାଁମୁହିଁ ହେବେ। ଚଳିତ ବର୍ଷ ବିଶ୍ୱକପ୍ରେ ଜବରଦସ୍ତ ଫର୍ମରେ ରହିଛି ଦକ୍ଷିଣ ଆଫ୍ରିକା । ଇଂଲଣ୍ଡ ବିପକ୍ଷରେ ପଲ୍ଲାଭାରି ରହିଛି। ବର୍ତ୍ତମାନ ସୁଦ୍ଧା ଇଂଲଣ୍ଡ ଦଳ ୩ଟି ମ୍ୟାଚ୍ ଖେଳିଥିବା ବେଳେ ଗୋଟିଏ ମୁକାବିଲାରେ ବିଜୟୀ ହୋଇଛି । ବାକି ଦୁଇଟି ମ୍ୟାଚ୍ରେ ପରାଜୟ ବରଣ କରିଛି ଇଂଲଣ୍ଡ ।
ବର୍ତ୍ତମାନ ସୁଦ୍ଧା ନେଦରଲାଣ୍ଡ ୩ଟି ମ୍ୟାଚ୍ ଖେଳି ଗୋଟିଏରେ ବିଜୟୀ ହୋଇଥିବା ବେଳେ ୨ଟି ମୁକାବିଲାରେ ପରାସ୍ତ ହୋଇଛି । ଟୁର୍ଣ୍ଣାମେଣ୍ଟରେ ପ୍ରଥମ ଦୁଇଟି ମ୍ୟାଚ୍ ପାକିସ୍ତାନ ଏବଂ ନ୍ୟୁଜିଲାଣ୍ଡ ଠାରୁ ପରାସ୍ତ ହୋଇଥିଲା ଦଳ। କିନ୍ତୁ ଦକ୍ଷିଣ ଆଫ୍ରିକା ମୁକାବିଲାରେ ସମସ୍ତଙ୍କୁ ଚକିତ କରିଥିଲା ଏହି ଡଚ୍ ଟିମ୍ । ଶକ୍ତିଶାଳୀ ଦକ୍ଷିଣ ଆଫ୍ରିକାକୁ ୩୮ ରନ୍ରେ ପରାସ୍ତ କରି ଟୁର୍ଣ୍ଣାମେଣ୍ଟରେ ସମସ୍ତଙ୍କୁ ଚକିତ କରିଛି । ପଏଣ୍ଟ ଟେବୁଲରେ ୮ମ ସ୍ଥାନରେ ରହିଛି ନେଦରଲାଣ୍ଡ ଟିମ୍ । ଆଜିର ମ୍ୟାଚ୍ ଜିତି ପଏଣ୍ଟ ଟେବୁଲରେ ଉପରକୁ ଉଠିବାକୁ ଲକ୍ଷ୍ୟ ରଖିଛନ୍ତି ଉଭୟ ଦଳ।
