ଓଡ଼ିଶା 365 (ବ୍ୟୁରୋ) : ଡେଭିଡ ୱାର୍ଣ୍ଣର, ମିଚେଲ ମାର୍ସଙ୍କ ଶତକ, ଆଦାମ ଜାମ୍ପଙ୍କ ଘାତକ ବୋଲିଂ ବଳରେ ବିଶ୍ୱକପରେ ପାକିସ୍ତାନକୁ ୬୨ ରନରେ ହରାଇଛି ଅଷ୍ଟ୍ରେଲିଆ। ଫଳରେ ପାକିସ୍ତାନର ଲଗାତର ଦ୍ୱିତୀୟ ପରାଜୟ କରିଛି। ଅଷ୍ଟ୍ରେଲିଆ ପ୍ରଥମ ବ୍ୟାଟିଂ କରି ୩୬୭ ରନ କରିଥିଲା । ଦୁଇ ଓପନର ଡେଭିଡ ୱାର୍ଣ୍ଣରଙ୍କ ୧୬୫ ରନ ଏବଂ ମିଚେଲ ମାର୍ଶଙ୍କ ୧୨୧ ରନର ଜବରଦସ୍ତ ଖେଳିଥିଲେ। ପାକିସ୍ତାନ ୪୫ ଓଭର ୩ଟି ବଲରେ ୩୦୫ ରନ କରି ଅଲଆଉଟ୍ ହୋଇଥିଲା । ଦୁଇ ଓପନର ଅବଦୁଲ୍ଲା ଏବଂ ଇମାମ ଉଲ ହକ ଅର୍ଦ୍ଧଶତକ ହାସଲ କରିଥିଲେ ମଧ୍ୟ ଦଳକୁ ଜିତାଇ ପାରିନଥିଲେ ।
ପାକିସ୍ତାନ ବିପକ୍ଷରେ ମ୍ୟାଚ୍ ଜିତି ପଏଣ୍ଟ ଟେବୁଲରେ ୪ର୍ଥ ସ୍ଥାନରେ କଙ୍ଗାରୁ ଦଳ ରହିଥିବାବେଳେ ପାକିସ୍ତାନ ପଞ୍ଚମ ସ୍ଥାନକୁ ଖସିଛି। ବୋଲିଂରେ ଅଷ୍ଟ୍ରେଲିଆ ପକ୍ଷରୁ ଆଡମ ଜାମ୍ପା ୫୩ ରନ ଦେଇ ୪ ଓ୍ଵିକେଟ୍ ନେଇ ଦଳ ବିଜୟରେ ମୁଖ୍ୟ ଭୂମିକା ଗ୍ରହଣ କରିଥିଲେ। ମାର୍କସ ଷ୍ଟୋଇନିସ୍, ପାଟ୍ କମିନ୍ସ ପ୍ରତ୍ୟେକ ଦୁଇଟି ଲେଖାଏଁ ଓ୍ଵିକେଟ୍ ନେଇଥିଲେ। ସେପଟେ ଆଜି ଦକ୍ଷିଣ ଆଫ୍ରକିା- ଇଂଲଣ୍ଡ ଏବଂ ନେଦରଲାଣ୍ଡ-ଶ୍ରୀଲଙ୍କା ମଧ୍ୟରେ କଡା ମୁକାବିଲା ଦେଖିବାକୁ ମିଳିବ।
