ଓଡ଼ିଶା 365 (ବ୍ୟୁରୋ): ରିଲିଜ୍ ହେଲା ବହୁ ପ୍ରତୀକ୍ଷିତ ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଫିଲ୍ମ ‘ଟାଇଗର-୩’ପ୍ରଥମ ଗୀତର ଟିଜର୍ । ଯାହାକୁ ଦୀର୍ଘ ଦିନ ଧରି ଦର୍ଶକମାନେ ଚାତକ ପରି ଚାହିଁ ବସିଥିଲେ ତାହା ଆଜି ଅନ୍ତ ଘଟିଛି । ବର୍ତ୍ତମାନ ‘ଟାଇଗର-୩’ର ପ୍ରଥମ ଗୀତର ଟିଜର୍ ଦର୍ଶକ ମାନଙ୍କ ମନ ଜିଣିବାରେ ଲାଗିପଡିଛି । ଏହି ଚଳଚ୍ଚିତ୍ରର ପ୍ରଥମ ଗୀତର ଟିଜର ସୋସିଆଲ ମିଡିଆରେ ହଇଚଇ ସୃଷ୍ଟି କଲାଣି । ସଲମାନ ଏହି ଗୀତର ପ୍ରଥମ ଝଲକ ସେୟାର କରିଛନ୍ତି। ଯେଉଁଥିରେ କ୍ୟାଟ୍ରିନାଙ୍କ ସହ ତାଙ୍କର ହଟ୍ କେମେଷ୍ଟ୍ରି ଦେଖିବାକୁ ମିଳିଛି । ଉଭୟଙ୍କର ଜବରଦସ୍ତ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି ।
ଖବର ମୁତାବକ, ଏହି ଟିଜରରେ ଅରିଜିତ ସିଂଙ୍କ ସ୍ୱର ଏପର୍ୟ୍ୟନ୍ତ ଶୁଣାଯାଇ ନାହିଁ। କେବଳ ମ୍ୟୁଜିକ୍ ଶୁଣିବାକୁ ମିଳିଛି। ଅକ୍ଟୋବର ୨୩ ରେ ପୁରା ଗୀତ ରିଲିଜ ହେବ ବୋଲି ସଲମାନ ସୂଚନା ଦେଇ ଜଣାଇଛନ୍ତି। ଦୁଇଟି କାରଣରୁ ଲୋକମାନେ ଏହି ଗୀତକୁ ନେଇ ଉତ୍ସାହିତ ଅଛନ୍ତି । ପ୍ରଥମତଃ ଏହା ଟାଇଗର ୩ ର ପ୍ରଥମ ଗୀତ ଏବଂ ଦ୍ୱିତୀୟରେ, ଦୀର୍ଘ ଦିନର ପରେ ଅରିଜିତ ସିଂ ସଲମାନ ଖାନଙ୍କ ଫିଲ୍ମରେ ପ୍ରଥମ ଥର ପାଇଁ ଗୀତ ଗାଇଛନ୍ତି ।
ସୂଚନା ମୁତାବକ, କିଛି ଦିନ ପୂର୍ବରୁ ‘ଟାଇଗର-୩’ ‘ର ଆକ୍ସନ୍ ପ୍ୟାକ୍ ଟ୍ରେଲର ଆସିବା ମାତ୍ରେ ସୋସିଆଲ ମିଡିଆରେ ଟ୍ରେଣ୍ଡ କରିବା ଆରମ୍ଭ କରିଛି। ଏହି ଫିଲ୍ମର ଟ୍ରେଲରରେ ସଲମାନ ଖାନ ଏବଂ କ୍ୟାଟ୍ରିନାଙ୍କ ଲୁକ ଦର୍ଶକମାନଙ୍କୁ ବେଶ୍ ଆକୃଷ୍ଟ କରୁଛି । ଟ୍ରେଲରଟି ଜଣେ ମହିଳାଙ୍କ ବ୍ୟାକ୍ଗ୍ରାଉଣ୍ଡ ସ୍ଵରରୁ ଆରମ୍ଭ ହୋଇଛି । ଯାହା ପରେ ସଲମାନ ଖାନଙ୍କ ଏଣ୍ଟ୍ରି ହୋଇଛି ଏକ ଦମ୍ଦାର ଷ୍ଟାଇଲ୍ରେ । ଏହାପରେ ଭାଇଜାନଙ୍କ କିଛି ଡାଏଲଗ ଓ ଆକ୍ସନ ରହିଛି । ପରେ କ୍ୟାଟ୍ରିନାଙ୍କ ଆକ୍ସନ ଲୁକ୍ ଦେଖିବାକୁ ମିଳିଛି । ଯାହା ଦେଖିଲେ ଲାଗୁଛି ଫିଲ୍ମରେ ଅନେକ ଆକ୍ସନ ଓ ସସ୍ପେନସ୍ ଭରି ରହିଛି । ସେପଟେ, ସେପ୍ଟେମ୍ବର ୨୭ରେ ‘ଟାଇଗର-୩’ର ଟିଜର ମୁକ୍ତିଲାଭ କରିଥିଲା। ଏଥିରେ ସଲମାନଙ୍କ ଦମ୍ଦାର ଲୁକ୍ ଦର୍ଶକମାନଙ୍କ ହୃଦୟ ଜିତିଥିଲା ।
ଏହି ଫିଲ୍ମରେ ସଲମାନ ଖାନଙ୍କ ସହ କ୍ୟାଟ୍ରିନା ଏବଂ ଇମ୍ରାନ ହାଶମୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ସେହିପରି ଏହି ଫିଲ୍ମରେ ଇମ୍ରାନଙ୍କୁ ଏକ ଭିଲେନ୍ ଭୂମିକାରେ ମଧ୍ୟ ଦେଖିବାକୁ ମିଳିବ। ମନୀଷ ଶର୍ମାଙ୍କ ନିର୍ଦ୍ଦେଶିତ ଏହି ଫିଲ୍ମ ଦର୍ଶକମାନଙ୍କୁ ବେଶ୍ ଆକୃଷ୍ଟ କରିବ ହୋଲି ପୁରା ଟିମ୍ ଆଶାବାଦୀ ଅଛନ୍ତି । ଏହି ଫିଲ୍ମଟି ଦୀପାବଳିରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ ବୋଲି ସୂଚନା ରହିଛି ।
