ଓଡ଼ିଶା 365 (ବ୍ୟୁରୋ):ବଲିଉଡ ଅଭିନେତା ଅନିଲ କପୁରଙ୍କ ବିଷୟରେ ଏକ ଆଶ୍ଚର୍ୟ୍ୟଜନକ ଖବର ସାମ୍ନାକୁ ଆସିଛି। ସବୁବେଳେ ନିଜ ଫିଲ୍ମ ଆଉ ଅଭିନୟ ପାଇଁ ସୋସିଆଲ ମିଡିଆରେ ବହୁତ ସକ୍ରିୟ ଥାଆନ୍ତି ଅନିଲ୍ କପୁର । ଦମଦାର ଅଭିନୟ ସହ ଦର୍ଶକ ମାନଙ୍କୁ ନିଜ ଜାଦୁରେ ବାନ୍ଧି ରଖିଥାନ୍ତି ଅନିଲ୍ । ହେଲେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟର ସମସ୍ତ ପୋଷ୍ଟ ଏବଂ ଫଟୋ ଡିଲିଟ ହୋଇଯାଇଛି । ଯାହା ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ହେଲେ ଏପର୍ଯ୍ୟନ୍ତ ଅଭିନେତା ନିଜେ ଏହି ସମସ୍ତ ପୋଷ୍ଟ ଡିଲିଟ କରିଛନ୍ତି କିମ୍ବା ତାଙ୍କ ଆକାଉଣ୍ଟ ହ୍ୟାକ୍ ହୋଇଛି ଏହାର କୌଣସି ସୂଚନା ଏପର୍ୟ୍ୟନ୍ତ ମିଳିପାରିନାହିଁ ।
ସୂଚନା ମୁତାବକ ଅନିଲ ତାଙ୍କ ଇନଷ୍ଟାଗ୍ରାମରେ ଅନେକ ଭିଡିଓ ଓ ଫଟୋ ପୋଷ୍ଟ କରିଥିଲେ । ସେ ତାଙ୍କ ଫିଲ୍ମ ଠୁ ଆରମ୍ଭ କରି ଜିମ୍ ପର୍ଯ୍ୟନ୍ତ ଅନେକ ଭିଡିଓ ତାଙ୍କ ଫ୍ୟାନ୍ସମାନଙ୍କ ସହ ସେୟାର କରିଥାନ୍ତି । ହେଲେ ହଠାତ୍ ତାଙ୍କର ପୋଷ୍ଟ ଡିଲିଟ୍ ହେବା ଫ୍ୟାନ୍ସମାନଙ୍କ ପାଇଁ ଚିନ୍ତାର କାରଣ ପାଲଟିଛି । ସେପଟେ ତାଙ୍କ ଝିଅ ସୋନମ୍ କପୁର ମଧ୍ୟ ଅଭିନେତାଙ୍କ ଇନଷ୍ଟାଗ୍ରାମ ପ୍ରୋଫାଇଲର ସ୍କ୍ରିନସଟ ସେୟାର କରି ଲେଖିଛନ୍ତି, ‘ବାପା !! ??’
