ଓଡ଼ିଶା 365 (ବ୍ୟୁରୋ): ‘ମୋ ମାଟି ମୋ ଦେଶ’ କାର୍ଯ୍ୟକ୍ରମରେ ବାଲେଶ୍ୱର ଆସି ସାମିଲ ହୋଇଛନ୍ତି କେନ୍ଦ୍ର ଜଙ୍ଗଲ, ପରିବେଶ, ଖାଦ୍ୟ ଯୋଗାଣ ଓ ଜଳବାୟୁ ପରିବର୍ତ୍ତନ ରାଷ୍ଟ୍ରମନ୍ତ୍ରୀ ଅଶ୍ୱିନୀ କୁମାର ଚୌବେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆହ୍ୱାନରେ ସମଗ୍ର ଦେଶରେ ରାଷ୍ଟ୍ରୀୟ ଏକାତ୍ମକ ଓ ଦେଶ ଭକ୍ତିର ଜାଗରଣ ପାଇଁ ‘ମୋ ମାଟି ମୋ ଦେଶ’ କାର୍ଯ୍ୟକ୍ରମରେ ବିଭିନ୍ନ ସ୍ଥାନରେ ଯୋଗ ଦେଇଛନ୍ତି ।
ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ଙ୍କ ନେତୃତ୍ୱରେ ବାଲେଶ୍ଵର ଜିଲ୍ଲା ରେମୁଣା ଗୋଲେଇ ଠାରୁ ଏକ ବିଶାଳ ପଟୁଆରରେ ଆସି ଫକୀରମୋହନଙ୍କ ବିଶ୍ୱବିଦ୍ୟାଳୟରେ ପହଞ୍ଚିଥିଲେ । ପ୍ରଥମେ ବୃକ୍ଷରୋପଣ କରିବା ସହ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ମାଟି ସଂଗ୍ରହ ଅଭିଯାନରେ ସାମିଲ ହୋଇ ନିଜର ବହୁମୂଲ୍ୟ ବକ୍ତବ୍ୟ ରଖିଥିଲେ ।
