ପରଲୋକରେ ମାଲାୟାଲମ୍ ଅଭିନେତା କୁନ୍ଦ୍ରା ଜନି

ଓଡ଼ିଶା 365 (ବ୍ୟୁରୋ): ଆଖି ବୁଜିଲେ ମାଲାୟାଲମର ଲୋକପ୍ରିୟ ଅଭିନେତା କୁନ୍ଦ୍ରା ଜନି । ମାତ୍ର ୭୧ ବର୍ଷ ବୟସରେ ହୃଦଘାତରେ ପ୍ରାଣ ହରାଇଛନ୍ତି କୁନ୍ଦ୍ରା । ଖବର ମୁତାବକ, ମଙ୍ଗଳବାର ସନ୍ଧ୍ୟାରେ କୁନ୍ଦ୍ରା ଜନିଙ୍କର ଦେହାନ୍ତ ହୋଇଥିଲା,ଏହା ପରେ ତାଙ୍କୁ ଏକ ଘରୋଇ ଡାକ୍ତରଖାନାକୁ ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ତାଙ୍କ ଦେହାନ୍ତ ସିନେମା ଇଣ୍ଡଷ୍ଟ୍ରିରେ ଶୋକର ଛାୟା ଖେଳାଇ ଦେଇଛି । ହେଲେ ଏପର୍ୟ୍ୟନ୍ତ ତାଙ୍କ ଅନ୍ତିମ ସଂସ୍କାର ସମ୍ପର୍କରେ କୌଣସି ସୂଚନା ମିଳିପାରି ନାହିଁ ।

ସୂଚନା ଅନୁଯାୟୀ, କୁନ୍ଦ୍ରା ଜନି ତାଙ୍କ କ୍ୟାରିଅରରେ ୫୦୦ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି। ବର୍ତ୍ତମାନ ତାଙ୍କର ଦେହାନ୍ତ ଖବର ମଲାୟଲମ୍ ଚଳଚ୍ଚିତ୍ର ଶିଳ୍ପ ପାଇଁ ବଡ କ୍ଷତି ସହିବାକୁ ପଡିଛି । ଅନେକ ସେଲିବ୍ରେଟି ଏବଂ ପ୍ରଶଂସକ ମଧ୍ୟ ଅଭିନେତାଙ୍କ ଦେହାନ୍ତରେ ନିରାଶ ହେବା ସହ ଦୁଃଖ ପ୍ରକାଶ କରିଛନ୍ତି ।