ଓଡ଼ିଶା 365 (ବ୍ୟୁରୋ): ଖୁବଶୀଘ୍ର ଆସୁଛି ବହୁ ପ୍ରତୀକ୍ଷିତ ସଲମାନ ଖାନ ଏବଂ କ୍ୟାଟ୍ରିନା କୈଫଙ୍କ ଫିଲ୍ମ ‘ଟାଇଗର-୩’ର । ଯାହାକୁ ଦୀର୍ଘ ଦିନ ଧରି ଦର୍ଶକମାନେ ଚାତକ ପରି ଚାହିଁ ବସିଥିଲେ ତାହା ଖୁବଶୀଘ୍ର ଅନ୍ତ ଘଟିବାକୁ ଯାଉଛି । ଅର୍ଥାତ୍ ଏହି ଫିଲ୍ମଟି ନଭେମ୍ବର ୧୨ରେ ରିଲିଜ୍ ହେବାକୁ ଯାଉଛି। ନିକଟରେ ଏହି ଫିଲ୍ମର ଟ୍ରେଲର ରିଲିଜ୍ ହୋଇଥିଲା । ଯାହାକୁ ଦର୍ଶକମାନେ ବହୁତ ପସନ୍ଦ କରିଥିଲେ । ବଲିଉଡର ସିରିଏଲ୍ କିସର୍ ଇମ୍ରାନ ହାସମିଙ୍କୁ ଫିଲ୍ମରେ ନେଗେଟିଭ ଭୂମିକାରେ ଦେଖିବାକୁ ମିଳିବ ଯାହାକୁ ନେଇ ଖୁବ୍ ଏକ୍ସାଇଟେଡ୍ ଅଛନ୍ତି ଦର୍ଶକ।
ଏହି ଫିଲ୍ମର ଟ୍ରେଲରରେ ସଲମାନ ଖାନ ଏବଂ କ୍ୟାଟ୍ରିନାଙ୍କ ଲୁକ ଦର୍ଶକମାନଙ୍କୁ ବେଶ୍ ଆକୃଷ୍ଟ କରୁଛି ।ସୂଚନା ମୁତାବକ, ଟ୍ରେଲରଟି ଜଣେ ମହିଳାଙ୍କ ବ୍ୟାକ୍ଗ୍ରାଉଣ୍ଡ ସ୍ଵରରୁ ଆରମ୍ଭ ହୋଇଛି । ଯାହା ପରେ ସଲମାନ ଖାନଙ୍କ ଏଣ୍ଟ୍ରି ହୋଇଛି ଏକ ଦମ୍ଦାର ଷ୍ଟାଇଲ୍ରେ । ଏହାପରେ ଭାଇଜାନଙ୍କ କିଛି ଡାଏଲଗ ଓ ଆକ୍ସନ ରହିଛି । ପରେ କ୍ୟାଟ୍ରିନାଙ୍କ ଆକ୍ସନ ଲୁକ୍ ଦେଖିବାକୁ ମିଳିଛି । ଯାହା ଦେଖିଲେ ଲାଗୁଛି ଫିଲ୍ମରେ ଅନେକ ଆକ୍ସନ ଓ ସସ୍ପେନସ୍ ଭରି ରହିଛି ।
ସେପଟେ, ସଲମାନଙ୍କ ଦମ୍ଦାର ଲୁକ୍ ଦର୍ଶକମାନଙ୍କ ହୃଦୟ ଜିତିଥିଲା ।ଏହି ଫିଲ୍ମରେ ସଲମାନ ଖାନଙ୍କ ସହ କ୍ୟାଟ୍ରିନା ଏବଂ ଇମ୍ରାନ ହାଶମୀଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ସେହିପରି ଏହି ଫିଲ୍ମରେ ଇମ୍ରାନଙ୍କୁ ଏକ ଭିଲେନ୍ ଭୂମିକାରେ ମଧ୍ୟ ଦେଖିବାକୁ ମିଳିବ। ମନୀଷ ଶର୍ମାଙ୍କ ନିର୍ଦ୍ଦେଶିତ ଏହି ଫିଲ୍ମ ଦର୍ଶକମାନଙ୍କୁ ବେଶ୍ ଆକୃଷ୍ଟ କରିବ ବୋଲି ପୁରା ଟିମ୍ ଆଶାବାଦୀ ଅଛନ୍ତି । ଏହି ଫିଲ୍ମଟି ଦୀପାବଳିରେ ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ମୁକ୍ତିଲାଭ କରିବ ।
