ଓଡ଼ିଶା 365 (ବ୍ୟୁରୋ): ପୋଖରୀରେ ଭାସୁଛି ଅଜଣା ବ୍ୟକ୍ତିଙ୍କ ମୃତଦେହ । ଯାହାକୁ ନେଇ ଛତ୍ରପୁରରେ ଚାଞ୍ଚଲ୍ୟ । ଛତ୍ରପୁର ଥାନା ଅଧିନ ଚିକଲଖଣ୍ଡି ପଂଚାୟତ ଅଧିନ ପୁରୁଣାପାଟଣା ଗ୍ରାମ ନିକଟରେ ଥିବା ଶଙ୍ଖବନ୍ଧରେ ବୁଧବାର ସକାଳୁ ଏକ ଅଜଣା ବ୍ୟକ୍ତିଙ୍କ ମୃତ୍ୟୁ ଦେହ ଭାସୁଥିବା ଦେଖିବାକୁ ମିଳିଛି। ତେବେ ମୃତ ବ୍ୟକ୍ତିର ପରିଚୟ ଜଣାପଡି ନାହିଁ।
ସୂଚନା ଅନୁସାରେ ଆଜି ସକାଳୁ ପୋଖରୀ କିଛି ଲୋକ ଗାଧୋଇବାକୁ ଆସିଥିବା ବେଳେ ଶବ ଭାସୁ ଥିବା ଦେଖି ଛତ୍ରପୁର ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ପୋଖରୀରୁ ଶବକୁ ଉଦ୍ଧାର କରିଛି।
