ଓଡ଼ିଶା 365 (ବ୍ୟୁରୋ): ଇସ୍ରାଏଲ୍ ଯୁଦ୍ଧରେ ସାମିଲ୍ ହେଲେ ଅଭିନେତା ତସାହି ହାଲେଭି । ରିଲ୍ ଲାଇଫ ନୁହେଁ ବର୍ତ୍ତମାନ ରିୟଲର ସଂଗ୍ରାମ ପାଇଁ ପ୍ରସ୍ତୁତ ଅଛନ୍ତି। ତସାହି ହାଲେଭି ହମାସ ବିରୁଦ୍ଧରେ ଇସ୍ରାଏଲ ପାଇଁ ଯୁଦ୍ଧ ଲଢିବେ। ସୂଚନା ଅନୁଯାୟୀ, ‘ଫାଉଡା’ ଏବଂ ‘ଦ କପ୍ସ’ରେ ଇସ୍ରାଏଲ୍ ସୁରକ୍ଷା ବାହିନୀର ସଦସ୍ୟ ଭାବରେ ଅଭିନୟ କରିଥିବା ତସାହି ବର୍ତ୍ତମାନ ସୀମା ପୋଲିସର ରିଜର୍ଭ ଡିଭିଜନ୍ ଇନ୍ବାର୍ ୟୁନିଟରେ ଯୋଗ ଦେଇଛନ୍ତି। ଏନେଇ ‘ଆକେଲି’ ନିର୍ମାତା ନିନାଦ ବୈଦ୍ୟ ଏହି ସୂଚନା ଦେଇଛନ୍ତି । ସେ କହିଥିଲେ ଯେ, ‘ମୁଁ ତାଙ୍କ ସହ କଥା ହୋଇଛି। ବର୍ତ୍ତମାନ ତାଙ୍କୁ ଯୁଦ୍ଧ ପାଇଁ ଲଢୁଥିବା ସେନାଙ୍କ ପାଖକୁ ପଠାଯାଇଛି।
ତସାହି ହାଲେଭି ପ୍ରଥମେ ଫିଲ୍ମ ‘ଅକେଲି’ ସହିତ ବଲିଉଡରେ ଏଣ୍ଟ୍ରି କରିଥିଲେ । ଯାହା ଚଳିତ ବର୍ଷ ଅଗଷ୍ଟ ୨୫ ରେ ପ୍ରେକ୍ଷାଳୟରେ ରିଲିଜ୍ ହୋଇଥିଲା । ଗୋଟେ ଜିଅର କାହାଣୀକୁ ନେଇ ଏହି ଚଳଚ୍ଚିତ୍ରଟି ନିର୍ମାଣ ହୋଇଥିଲା । ଯିଏ ନିଜ ପରିବାରକୁ ସହାୟତା କରିବା ଇରାକରେ କାମ କରିବାକୁ ଯାଇଥିଲେ। ହେଲେ ସେଠାରେ ସେ ଆଇଏଆଇଏସ୍ ଏବଂ ଇରାକ ସେନା ମଧ୍ୟରେ ଫସି ରହିଛନ୍ତି। ଏହି ଚଳଚ୍ଚିତ୍ରରେ ତସାହିଙ୍କୁ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିଥିଲା ।
