ଓଡ଼ିଶା 365 (ବ୍ୟୁରୋ) : ବିଶ୍ୱବିଜେତା ଇଂଲଣ୍ଡକୁ ପରାସ୍ତ କରି ବିପର୍ଯ୍ୟୟ ଘଟାଇଥିବା ଆଫଗାନିସ୍ତାନ ଚେନ୍ନାଇର ଏମ୍ଏ ଚିଦାମ୍ବରମ୍ ଷ୍ଟାଡିୟମ୍ରେ ବୁଧବାର ନ୍ୟୁଜିଲାଣ୍ଡକୁ ଭେଟିବ। ନ୍ୟୁଜିଲାଣ୍ଡ ବର୍ତ୍ତମାନ ସୁଦ୍ଧା ଅପରାଜେୟ ରହିଛି। ପ୍ରଥମ ତିନି ମ୍ୟାଚ୍କୁ ଜିତି ଏହି ଦଳ ପଏଣ୍ଟ ତାଲିକାର ଭାରତ ପଛକୁ ଦ୍ୱିତୀୟ ସ୍ଥାନରେ ରହିଛି । କିନ୍ତୁ ଆଫଗାନିସ୍ତାନ ପ୍ରଥମ ମ୍ୟାଚ୍ରେ ବାଂଲାଦେଶ ଓ ଦ୍ୱିତୀୟ ମ୍ୟାଚ୍ରେ ଭାରତଠୁ ପରାସ୍ତ ହୋଇଥିଲା ।
ଇଂଲଣ୍ଡକୁ ଦିଲ୍ଲୀରେ ମାତ୍ ଦେବା ପରେ ଫର୍ମରେ ରହିଛି ଆଫଗାନିସ୍ତାନ ଟିମ୍ ।
ନିୟମିତ ଅଧିନାୟକ ୱିଲିୟମସନଙ୍କ ବିନା ନ୍ୟୁଜିଲାଣ୍ଡ ଯେପରି ଆରମ୍ଭରୁ ମ୍ୟାଚ୍ ଜିତି ଆସୁଛି, ସେହି ଧାରା ଚେନ୍ନାଇରେ ବଜାୟ ରଖିବାକୁ ଲକ୍ଷ୍ୟ ରଖିଛି। ବୁଧବାର ଆଫଗାନିସ୍ତାନ ଏହି ଧାରାକୁ ଅଟକାଉଛି ନା ନ୍ୟୁଜିଲାଣ୍ଡ ହ୍ୟାଟ୍ରିକ୍ ଅର୍ଜନ କରୁଛି । ଏ ନେଇ ଅପେକ୍ଷାରେ ଅଛନ୍ତି କ୍ରିକେଟ୍ ପ୍ରେମୀ ।
