ଓଡ଼ିଶା 365 (ବ୍ୟୁରୋ): ଘୁଞ୍ଚିଲା କଙ୍ଗନା ରାଣାୱତ୍ଙ୍କ ବହୁ ପ୍ରତୀକ୍ଷିତ ଫିଲ୍ମ ‘ଏମର୍ଜେନ୍ସି’ର ରିଲିଜ୍ ତାରିଖ । ବର୍ତ୍ତମାନ ସେ ଫିଲ୍ମ ‘ତେଜସ୍’କୁ ନେଇ ଚର୍ଚ୍ଚାରେ ଥିବାବେଳେ ‘ଏମର୍ଜେନ୍ସି’ର ରିଲିଜ୍ ତାରିଖ ଘୁଞ୍ଚିବା ଫ୍ୟାନ୍ସମାନଙ୍କୁ ନିରାଶ କରିଛି । ବହୁ ପ୍ରତିକ୍ଷୀତ ଫିଲ୍ମ ‘ଏମର୍ଜେନ୍ସି’ର ରିଲିଜ୍ ତାରିଖ କାହିଁକି ଘୁଞ୍ଚିଲା ବୋଲି ସୋସିଆଲ ମିଡିଆରେ ଫ୍ୟାନ୍ସମାନେ ଅଭିନେତ୍ରୀ କଙ୍ଗନା ରାଣାୱତଙ୍କୁ ଅନେକ ପ୍ରଶ୍ନ କରିଛନ୍ତି । ଦର୍ଶକମାନଙ୍କ ଏଭଳି ଭଲପାଇବା ଦେଖି କଙ୍ଗନା କହିଛନ୍ତି ଯେ, ନଭେମ୍ବର ୨୪ରେ ରିଲିଜ୍ ହେବାକୁ ଥିବା ‘ଏମର୍ଜେନ୍ସି’ ଆସନ୍ତା ବର୍ଷ ଶେଷ ଆଡ଼କୁ ମୁକ୍ତିଲାଭ ହେବ ବୋଲି ଜଣାପଡ଼ିଛି। ଅତ୍ୟଧିକ କାମ ବ୍ୟସ୍ତତା ଯୋଗୁ ଫିଲ୍ମ ରିଲିଜ୍ ବଦଳାଯାଇଥିବା କଙ୍ଗନା କହିଛନ୍ତି। ସେ କହିଛନ୍ତି, ”ଏହି ଫିଲ୍ମ ମୋ ପୂରା ଜୀବନର ଲର୍ନିଂ ଆଉ ଅର୍ନିଂ। ଏହା ମୋ ପାଇଁ କେବଳ ଏକ ଫିଲ୍ମ ନୁହେଁ, ଜଣେ ମଣିଷ ଭାବେ ଏଥିରେ ମୋର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି। ମୋର ଏହି ଫିଲ୍ମ ଆଉ ଚରିତ୍ରକୁ ବେଶ୍ ଭଲପାଇବା ମିଳିଛି। ଏଥିପାଇଁ ସମସ୍ତଙ୍କୁ ବହୁତ ଧନ୍ୟବାଦ।“
ସୂଚନା ମୁତାବକ, ଫିଲ୍ମ ‘ଏମର୍ଜେନ୍ସି’ ଦିବଂଗତ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଜୀବନୀ ଉପରେ ଆଧାରିତ ହୋଇଛି । ଏଥିରେ କଙ୍ଗନାଙ୍କୁ ଇନ୍ଦିରା ଗାନ୍ଧୀଙ୍କ ଭୂମିକାରେ ଦେଖିବାକୁ ମିଳିବ । ଯାହାକୁ ଦର୍ଶକ ମାନେ ମଧ୍ୟ ବେଶ୍ ଉତ୍ସାହର ସହ ଅପେକ୍ଷା କରିଛନ୍ତି ।
