ଓଡ଼ିଶା 365 (ବ୍ୟୁରୋ): ଗତକାଲି ୭୫ତମ ଜନ୍ମଦିନ ପାଳନ କରିଛନ୍ତି ବଲିଉଡର ଡ୍ରିମଗାର୍ଲ ହେମାମାଳିନୀ । ବଲିଉଡ ଷ୍ଟାରମାନଙ୍କ ସହ ନିିଜର ଏହି ଖୁସିର ମୂହୁର୍ତ୍ତକୁ ସେୟାର କରିଛନ୍ତି ହେମା । ତାଙ୍କ ଜନ୍ମଦିନ ପାର୍ଟିରେ ରେଖା, ଈଶା ଦେଓଲ, ଜୟା ବଚ୍ଚନ, ସଲମାନ ଖାନ, ବିଦ୍ୟା ବାଲାନ, ଅନୁପମ ଖେର ଏବଂ ଜ୍ୟାକି ଶ୍ରଫଙ୍କ ସମେତ ବହୁ ବଲିଉଡ ସେଲିବ୍ରିଟି ଯୋଗ ଦେଇଥିଲେ। ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଏହି ଭିଡିଓରେ ହେମାଙ୍କ ସ୍ୱାମୀ ଧର୍ମେନ୍ଦ୍ର, ଝିଅ ଈଶା ଓ ଆହାନାଙ୍କ ସହ କେକ୍ କାଟୁଥିବା ଦେଖିବାକୁ ମିଳିଛି। ଏହାସହ ହେମା ମଞ୍ଚ ଉପରେ ନାଚିବା ଏବଂ ଗୀତ ଗାଉଥିବାର ନଜର ଆସିଥିଲେ । ଯାହା ଦେଖି ଫ୍ୟାନ୍ସମାନେ ଖୁସିବ୍ୟକ୍ତ କରିଛନ୍ତି ।
ଖବର ମୁତାବକ, ଜନ୍ମଦିନ ପାର୍ଟିରେ ହେମା ଫିକା ଗୋଲାପୀ ରଙ୍ଗର ସାରି ପିନ୍ଧିଥିବା ବେଳେ, ଧର୍ମେନ୍ଦ୍ର ଏକ କଳା ସୁଟରେ ବେଶ୍ ଆକର୍ଷଣୀୟ ଦେଖା ଯାଉଥିଲେ। ଝିଅ ଅହାନା ଏବଂ ଈଶା ଦେଓଲଙ୍କ ବ୍ୟତୀତ ତାଙ୍କ ଜ୍ବାଇଁ ଏବଂ ନାତି ମଧ୍ୟ ସେଠାରେ ଉପସ୍ଥିତ ଥିଲେ ଯାହା ଏହି ଭିଡିଓରେ ଦେଖିବାକୁ ମିଳିଛି । ସୁଚନା ମୁତାବକ, ୧୯୮୦ ମସିହାରେ ଅଭିନେତ୍ରୀ ହେମାମଲିନୀ ସୁପରଷ୍ଟାର ଧର୍ମେନ୍ଦ୍ରଙ୍କୁ ବିବାହ କରିଥିଲେ, ଯାହାଙ୍କ ସହିତ ତାଙ୍କର ଦୁଇ ଝିଅ ଈଶା ଏବଂ ଆହାନା ଦେଓଲ ଅଛନ୍ତି । ହେମାଙ୍କ ଦୁଇ ଝିଅ ବିବାହ କରିଛନ୍ତି ।
