ଓଡ଼ିଶା 365 (ବ୍ୟୁରୋ): ନୀତା ମୁକେଶ ଅମ୍ବାନୀ ସାଂସ୍କୃତିକ କେନ୍ଦ୍ରରେ ୧୪୧ ତମ ଆନ୍ତର୍ଜାତୀୟ ଅଲିମ୍ପିକ୍ କମିଟି ଅଧିବେଶନ ଅନୁଷ୍ଠିତ ହୋଇଥିଲା । ଏଥିରେ ବହୁ ରାଜନେତା, ଖେଳାଳି ଏବଂ ବଲିଉଡ ତାରକାମାନେ ଯୋଗ ଦେଇଥିଲେ । ଶାହାରୁଖ ଖାନ, ଦୀପିକା ପାଦୁକୋନ, ଆଲିଆ ଏବଂ ରଣବୀରଙ୍କୁ ଏହି କାର୍ଯ୍ୟକ୍ରମରେ ଦେଖିବାକୁ ମିଳିଥିଲା । ଯାହାର ଫଟୋ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ହେଲେ ଏହି ଫଟୋରେ ଆଲିଆ ଶୋଇପଡିଥିବାର ନଜର ଆସିଛନ୍ତି । ଯାହାକୁ ଦେଖି ଲୋକମାନେ ତାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଛନ୍ତି।
ଖବର ମୁତାବକ, ଆଇଓସି ଇଭେଣ୍ଟରେ ବି-ଟାଉନ୍ ତାରକାମାନଙ୍କର ଅନେକ ଫଟୋ ଏବଂ ଭିଡିଓ ଦେଖିବାକୁ ମିଳିଛି। ବର୍ତ୍ତମାନ ଏକ ଫଟୋ ସାମ୍ନାକୁ ଆସିଛି । ଯେଉଁଥିରେ ଦୀପିକା ଏବଂ ଶାହାରୁଖ ଏକାଠି ବସିଥିବାର ନଜର ଆସିଥିଲେ, ଏବଂ ତାଙ୍କ ପଛରେ ଆଲିଆ ଓ ରଣବୀର ବସିଥିବାର ଦେଖିବାକୁ ମିଳିଛି । ସେହି ସମୟରେ ଆଲିଆ ଆଖି ବନ୍ଦ କରିଥିବାବେଳେ ରଣବୀର ତଳକୁ ଅନାଇ ବ୍ୟସ୍ତ ଅଛନ୍ତି। ପ୍ରଶଂସକମାନେ ସନ୍ଦେହ କରୁଛନ୍ତି ଯେ ସେ ତାଙ୍କ ଫୋନକୁ ଦେଖୁଛନ୍ତି। ସେପଟେ, ସୋସିଆଲ ମିଡିଆ ୟୁଜର୍ସମାନେ ଏହି ଫଟୋକୁ ଦେଖି କହିଛନ୍ତି ଯେ, ଅଭିନେତ୍ରୀ ବୋଧ ହୁଏ ବିରକ୍ତ ହୋଇ ଶୋଇପଡିଛନ୍ତି। ଅନ୍ୟ ଜଣେ ଲେଖିଛନ୍ତି, ‘ଆଲିଆ ଘରକୁ ଯିବା ଉଚିତ୍ ।
