ଦିନିକିଆ ବିଶ୍ୱକପ୍: ୧୯୧ ରନରେ ଅଲଆଉଟ୍ ପାକିସ୍ତାନ

ଓଡ଼଼ିଶା 365 (ବ୍ୟୁରୋ): ଭାରତୀୟ ବୋଲରଙ୍କ ସାମ୍ନାରେ ଆତ୍ମସମର୍ପଣ କରିଛି ପାକିସ୍ତାନ କ୍ରିକେଟ୍ ଟିମ୍ । ୧୯୧ ରନରେ ପାକିସ୍ତାନକୁ ଅଲଆଉଟ୍ କରିଛି ରୋହିତ୍ ବାହୀନି । ଟସ୍ ଜିତି ପ୍ରଥମେ ଭାରତ ବୋଲିଂର ନିଷ୍ପତ୍ତି ନେଇଥିଲା । ପରେ ମୈଦାନକୁ ଓହ୍ଲାଇଥିଲା ଉଭୟ ଦଳ । ପାକିସ୍ତାନ ପାଇଁ ବାବର ଆଜମ ସର୍ବାଧିକ ୫୦ ରନ୍ ସଂଗ୍ରହ କରିଥିଲେ। ଯେଉଁଠାରେ ରିଜୱାନ୍ ୪୯ ରନରେ ଏକ ଇନିଂସ ଖେଳିଥିଲେ।

ଏହି ଦୁଇଜଣଙ୍କ ବ୍ୟତୀତ ସମସ୍ତ ବ୍ୟାଟ୍ସମ୍ୟାନ୍ ‘ତୁ ଚାଲ୍ ମେନ୍ ଆୟା’ ରେ ଆଉଟ୍ ହୋଇଥିଲେ। ପାକିସ୍ତାନ ମାତ୍ର ୩୬ ରନ୍ ଭିତରେ ଶେଷ ଆଠଟି ୱିକେଟ୍ ହରାଇଥିଲା। ଭାରତ ପାଇଁ ରବିନ୍ଦ୍ର ଜାଡେଜା, ହାର୍ଦ୍ଦିକ ପାଣ୍ଡ୍ୟା, ଜସପ୍ରୀତ ବୁମ୍ରା, କୁଲଦୀପ ଯାଦବ ଏବଂ ମହମ୍ମଦ ସିରାଜ ଦୁଇଟି ଲେଖାଏଁ ୱିକେଟ୍ ନେଇଥିଲେ।