ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ୍ ଅଭିନେତ୍ରୀ ଇଲିଆନା ଡି’କ୍ରୁଜ୍ । ଅଗଷ୍ଟ ୧ରେ ସେ ଏକ ପୁତ୍ର ସନ୍ତାନକୁ ଜନ୍ମ ଦେଇଥିଲେ । ଯାହାର ନାମ ରଖାଯାଇଥିଲା କୋଆ ଫିନିକ୍ସ ଡୋଲାନ୍ । ଏହି ଖବର ଶୁଣି ବଲିଉଡର ଅନେକ ତାରକା ଏବଂ ପ୍ରଶଂସକମାନେ ଇଲିଆନାଙ୍କୁ ବହୁତ ସାରା ଶୁଭେଚ୍ଛା ଜଣାଇଥିବା ସହ ଅନେକ ଉପହାର ମଧ୍ୟ ଇଲିଆନା ଏବଂ ତାଙ୍କ ପୁଅ ପାଇଁ ପଠାଇଥିଲେ ।ହେଲେ ଇଲିଆନା କେବେ ବି ତାଙ୍କ ପୁଅର ଚେହେରା ଫ୍ୟାନ୍ସମାନଙ୍କୁ ଦେଖାଇନଥିଲେ । ହେଲେ ବର୍ତ୍ତମାନ ଉଭୟ ମା’ ପୁଅ ଏକାଠି ନଜର ଆସିଛନ୍ତି । ଯାହାର ଫଟୋ ସୋସିଆଲ ମିିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ସୂଚନା ମୁତାବକ, ନିକଟରେ ଇଲିଆନା ପ୍ରଥମ ଥର ପାଇଁ ତାଙ୍କ ପୁଅ ସହିତ ଲଞ୍ଚ ଡେଟ୍ରେ ଯାଇଥିଲେ । ସେ ଏହାର ଏକ ସୁନ୍ଦର ଫଟୋ ମଧ୍ୟ ସେୟାର କରିଛନ୍ତି । କୋଆର ଜନ୍ମ ପରେ ଇଲିଆନା ଗତ କିଛି ମାସ ମଧ୍ୟରେ ଇନଷ୍ଟାଗ୍ରାମ ଷ୍ଟୋରୀରେ ନିଜର ଫଟୋ ସେୟାର କରିଛନ୍ତି। ବେଳେବେଳେ କୋଆକୁ ଖାଇବାକୁ ଦେଉଥିବା ବେଳେ ସ୍ନେହ କରୁଥିବାର ଦେଖିବାକୁ ମିଳିଛି। ହେଲେ ବର୍ତ୍ତମାନ ଇଲିଆନା କୋଆଙ୍କ ସହ ଡିନର ଡେଟ୍ରେ ବାହାରକୁ ଯିବାର ଏକ ଫଟୋ ସେୟାର କରିଛନ୍ତି । ଏହି ଫଟୋର କ୍ୟାପସନରେ ସେ ଲେଖିଛନ୍ତି, ‘ବେବି ଏବଂ ମାମାଙ୍କର ପ୍ରଥମ ଲଞ୍ଚ ଡେଟ୍। ଏଥିରେ ଇଲିଆନାଙ୍କୁ ଏକ ଧଳା ପୋଷାକ ଏବଂ ଡେନିମ୍ ଜ୍ୟାକେଟରେ ପିନ୍ଧିଥିବାବେଳେ କୋଆକୁ ଏକ କଳା ଶିଶୁ ଷ୍ଟ୍ରୋଲରରେ ରଖିଥିଲେ। ଏବଂ ତାଙ୍କ ପୁଅକୁ ଚାହିଁ ଇଲିଆନା ହସୁଥିବାର ନଜର ଆସିଛନ୍ତି । ଯାହାକୁ ଦେଖି ଫ୍ୟାନ୍ସମାନେ ଖୁସି ବ୍ୟକ୍ତ କରିଛନ୍ତି ।
