ଓଡ଼ିଶା 365 (ବ୍ୟୁରୋ): ରିଲିଜ୍ ହେଲା ଭିକି କୌଶଳଙ୍କ ଅଭିନୀତ ଫିଲ୍ମ ‘ସାମ୍ ବାହାଦୁର’ର ଟିଜର୍ । ଯେଉଁଥିରେ ଭିକିଙ୍କୁ ସୈନିକ ଲୁକରେ ଦେଖିବାକୁ ମିଳିଛି । ଯାହା ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ମାତ୍ର ୧.୨୬ ମିନିଟର ଟିଜର ବେଶ ଦମଦାର ହୋଇଥିବାବେଳେ ଏହା ଦର୍ଶକଙ୍କ ମନ ଜିଣିବାରେ ଲାଗିପଡିଛି । ଏହି ଟିଜରକୁ ଦେଖିଲେ ଲାଗୁଛି ଯେ, କାହାଣୀଟି ଜଣେ ସୈନିକଙ୍କୁ ନେଇ ପ୍ରସ୍ତୁତ ହୋଇଛି ।ଜଣେ ସୈନିକଙ୍କ ପାଇଁ ତାଙ୍କ ଜୀବନ ଅପେକ୍ଷା ତାଙ୍କର ସମ୍ମାନ ଅଧିକ ମୂଲ୍ୟବାନ। ଏବଂ ଜଣେ ସୈନିକ ନିଜ ବର୍ଦ୍ଦିର ସମ୍ମାନ ପାଇଁ ନିଜ ଜୀବନକୁ ମଧ୍ୟ ଉତ୍ସର୍ଗ କରିପାରନ୍ତି । ଯାହା ଏହି ଟିଜର ଦେଖିବା ପରେ ଜଣାପଡୁଛି । ଏଥିରେ ଭିକି କୌଶଲଙ୍କୁ ଏକ ଦମଦାର ଭୂମିକାରେ ଦେଖିବାକୁ ମିଳିଛି । ଭାରତୀୟ ସେନା ଫିଲ୍ଡ ମାର୍ଶଲ ଚରିତ୍ରରେ ଅଭିନୟ କରିଛନ୍ତି ଭିକି ।
ସୂଚନା ମୁତାବକ, ସାମ୍ ବାହାଦୂରଙ୍କ ଟିଜରରେ ଥିବା ଦମଦାର ଡାଏଲଗ୍ରୁ ଆରମ୍ଭ କରି ତାଙ୍କର ଅଭିନୟ ପର୍ୟ୍ୟନ୍ତ ସବୁକିଛି ଦର୍ଶକ ମାନଙ୍କ ମନ କିଣିନେଇଛି । ସେହିପରି ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରିଥିବା ଫାତିମା ସାନା ଶେଖଙ୍କୁ ମଧ୍ୟ ଏହି ଟିଜର୍ରେ ଦେଖିବାକୁ ମିଳିଛି। ସାମ୍ ବାହାଦୂରର କାହାଣୀ ୧୯୭୧ର ଭାରତ-ପାକିସ୍ତାନ ଯୁଦ୍ଧ କାହାଣୀ ସ୍ଥାନିତ ହୋଇଛି। ଏହି ଯୁଦ୍ଧ ସମୟରେ ଭାରତର ପ୍ରଥମ ଫିଲ୍ଡ ମାର୍ଶଲ ଏବଂ ସେନା ମୁଖ୍ୟ ସାମ ମାନେକ୍ସାଙ୍କର ବହୁତ ଅବଦାନ ରହିଛି। ଏହି ଚଳଚ୍ଚିତ୍ରଟି ତାଙ୍କରି କାହାଣୀ ଉପରେ ଆଧାରିତ ହୋଇଛି ବୋଲି ଫିଲ୍ମ ନିର୍ମାତା କହିଛନ୍ତି । ଖବର ମୁତାବକ, ଏହି ପିଲ୍ମଟି ବଡ଼ ପରଦାରେ ଡିସେମ୍ବର ୧ରେ ରିଲିଜ ହେବ।
