ଜେଏନୟୁ ପରେ ଜାମିଆ ମିଲିଆ ଇସଲାମିଆରେ ପାଲେଷ୍ଟାଇନକୁ ସମର୍ଥନ କରି ବିରୋଧ ପ୍ରଦର୍ଶନ

ଓଡ଼ିଶା 365 (ବ୍ୟୁରୋ): ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ହୋଇଥିବା ଯୁଦ୍ଧରେ ସମଗ୍ର ବିଶ୍ୱର ଦେଶଗୁଡିକ ବିଭିନ୍ନ ଦଳରେ ବିଭକ୍ତ ହୋଇଛନ୍ତି । ଉଭୟ ଦେଶର ସମର୍ଥନରେ ପ୍ରଦର୍ଶନ ଓ ବିରୋଧ ପ୍ରଦର୍ଶନ କରାଯାଉଛି। ଇସ୍ରାଏଲ ଏବଂ ପାଲେଷ୍ଟାଇନ ମଧ୍ୟରେ ଚାଲିଥିବା ଯୁଦ୍ଧର ତାତି ଦିଲ୍ଲୀରେ ମଧ୍ୟ ଅନୁଭୂତ ହେଉଛି। ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନୟୁ) ଏବଂ ଜାମିଆ ମିଲିଆ ଇସଲାମିଆର କିଛି ଗୋଷ୍ଠୀ କ୍ରମାଗତ ଭାବରେ ପାଲେଷ୍ଟାଇନକୁ ସମର୍ଥନ କରୁଛନ୍ତି। ଶୁକ୍ରବାର ଦିନ, ପାଲେଷ୍ଟାଇନ ସମର୍ଥକ କିଛି ଛାତ୍ର ସ୍ଲୋଗାନ ଦେଇ ଜାମିଆ ମିଲିଆ ଇସଲାମିଆରେ ପ୍ରଦର୍ଶନ କରିଥିଲେ।

ଏହି ପାଲେଷ୍ଟାଇନ ସମର୍ଥକ ଛାତ୍ରମାନେ ଇସ୍ରାଏଲକୁ ‘ଦଳିତ’ ଦେଶ ବୋଲି କହୁଛନ୍ତି ଏବଂ ପାଲେଷ୍ଟାଇନ ସପକ୍ଷରେ ଅଛନ୍ତି। ଇସ୍ରାଏଲ ଉପରେ ହମାସର ଆକ୍ରମଣକୁ କେନ୍ଦ୍ର ସରକାର ଦୃଢ ନିନ୍ଦା କରିବା ସତ୍ତେ୍ୱ ଏହି ବିରୋଧ ଚାଲିଛି। ଆତଙ୍କବାଦୀ ଆକ୍ରମଣକୁ ନିନ୍ଦା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ବିବୃତ୍ତି ଦେଇଛନ୍ତି।