ଓଡ଼ିଶା 365 (ବ୍ୟୁରୋ) : ଭାରତୀୟ ଟିମ୍ର ଦ୍ରୁତ ବୋଲର ମହମ୍ମଦ ସାମି ହୋଇଛନ୍ତି ପୁମା ଇଣ୍ଡିଆର ବ୍ରାଣ୍ଡ୍ ଆମ୍ବାସଡର । ସେ ଗୋଟିଏ ବର୍ଷ ପାଇଁ ପୁମାର ବ୍ରାଣ୍ଡ ଆମ୍ବାସଡର ଭାବରେ ନଜର ଆସିବେ । ଏହି ସମୟରେ ସେ ବ୍ରାଣ୍ଡର ବିଭିନ୍ନ ଉତ୍ପାଦର ପ୍ରଚାର କରିବେ । ପୂର୍ବରୁ ବିରାଟ କୋହଲି, ଅଲିମ୍ପିକ୍ ସ୍ୱର୍ଣ୍ଣ ପଦକ ବିଜେତା ଉସେନ ବୋଲ୍ଟ, ଫୁଟ୍ବଲ୍ ତାରକା ନେମାର ଜୁନିୟର ଏବଂ ସୁନୀଲ ଛେତ୍ରୀ, ଛଅ ଥର ବକ୍ସିଂ ଚାମ୍ପିୟନ ମେରି କମ୍ ଏବଂ ଭାରତୀୟ ମହିଳା କ୍ରିକେଟର ହରମନ୍ ପ୍ରୀତ ଏବଂ ହରଲିନ ଦେଓଲ ମଧ୍ୟ ଆମ୍ବାସଡର ରହିଆସିଛନ୍ତି ।
ବ୍ରାଣ୍ଡ୍ ସାମିଙ୍କ ସହ ଅନେକ ଖେଳାଳିଙ୍କୁ କେବଳ ଉତ୍ସାହିତ କରିବନି ବରଂ ଆମର ଦେଶରେ ଖେଳର ସଂସ୍କୃତିକୁ ବଢ଼ାଇବ ବୋଲି କହିଛନ୍ତି ପୁମା ଇଣ୍ଡିଆର ପରିଚାଳନା ନିର୍ଦ୍ଦେଶକ କାର୍ତ୍ତିକ ବାଲଗୋପାଲନ । ପୁମା ସହ ଯୋଡ଼ିହେବାକୁ ନେଇ ଭାରତୀୟ ଦ୍ରୁତବୋଲର ମହମ୍ମଦ ସାମି ଖୁବ୍ ଖୁସିଥିବା କହିବା ସହ ଏହା ଏକ ଅଦ୍ଭୁତ ଅନୁଭବ ବୋଲି କହିଛନ୍ତି ।
