ଯୁଦ୍ଧରେ ଫସିଯାଇଛନ୍ତି ନସୁରତ ଭାରୁଚା

ଓଡ଼ିଶା 365 (ବ୍ୟୁରୋ): କିଛିଦିନ ହେବ ଇସ୍ରାଏଲ ଏବଂ ପାଲେଷ୍ଟାଇନ ଆତଙ୍କବାଦୀ ଗୋଷ୍ଠୀ ହାମାସ ମଧ୍ୟରେ ଯୁଦ୍ଧ ଆରମ୍ଭ ହୋଇଛି, ଯେଉଁଥିରେ ୪୦୦୦ରୁ ଉର୍ଦ୍ଧ ପ୍ରାଣ ହରାଇଥିବାବେଳେ ଅନେକ ଆହତ ମଧ୍ୟ ହୋଇଛନ୍ତି । ହେଲେ ଯୁଦ୍ଧ ଥମିବାର ନା ଧରୁନି । ଏହାରି ଭିତରେ ଅନେକ କ୍ଷୟକ୍ଷତି ଘଟିଗଲାଣି । ଅନେକ ଲୋକମାନେ ମଧ୍ୟ ଏହି ଯୁଦ୍ଧରେ ଫସି ରହିଛନ୍ତି । ଖବର ମୁତାବକ, ଏହି ଯୁଦ୍ଧରେ ବଲିଉଡ ଅଭିନେତ୍ରୀ ନୁସରତ ଭାରୁଚା ଇସ୍ରାଏଲରେ ଅଟକି ରହିଛନ୍ତି। ତାଙ୍କ ସହ ବର୍ତ୍ତମାନ କୌଣସି ଯୋଗାଯୋଗ ହୋଇପାରୁନାହିଁ । ହେଲେ ଭାରତ ତାଙ୍କୁ ଫେରାଇ ଆଣିବା ପାଇଁ ସତ ପ୍ରଚେଷ୍ଟା ଜାରି ରଖିଛି ।

ସୂଚନା ମୁତାବକ, ନସୁରତ ହାଇଫା ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଭାଗ ନେବାକୁ ଇସ୍ରାଏଲ ଯାଇଥିଲେ। ସେଥିରୁ ଜଣେ ସଦସ୍ୟ ସୂଚନା ଦେଇଛନ୍ତି ଯେ, ର୍ଦୁଭାଗ୍ୟ ବସତଃ ନସୁରତ ଏହି ଯୁଦ୍ଧରେ ଫସିଯାଇଛନ୍ତି । ହେଲେ ସେ ଏକ ବେସମେଣ୍ଟରେ ସୁରକ୍ଷିତ ଅଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, “ମୁଁ ଶନିବାର ରାତି ପ୍ରାୟ ୧୨.୩୦ ସମୟରେ ତାଙ୍କ ସହ ଯୋଗାଯୋଗ କରିଥିଲି। ସେ ଏକ ତଳ ମହଲାରେ ସୁରକ୍ଷିତ ଥିଲେ। ହେଲେ ସେବେଠାରୁ ଆମେ ତାଙ୍କ ସହ ଯୋଗାଯୋଗ କରିପାରିନାହୁଁ । ହେଲେ ଆମେ ତାଙ୍କୁ ନିରାପଦରେ ଭାରତକୁ ଫେରାଇ ଆଣିବାକୁ ଚେଷ୍ଟା କରୁଛୁ। ”