ଓଡ଼ିଶା 365 (ବ୍ୟୁରୋ): ଅଭିନେତାରୁ ଯୋଦ୍ଧା ସାଜିବେ ଫୌଦା ଆକ୍ଟର ଟିସାହି ହାଲେଭି। ଏଥର ରିଲ୍ ନୁହେଁ ହେବ ଲେବାନନ୍ ବିରୋଧରେ ହେବ ରିୟଲ୍ ଫାଇଟ୍ । ସୂଚନା ମୁତାବକ, ଇସ୍ରାଏଲ ଟେଲିଭିଜନର ଲୋକପ୍ରିୟ ଅଭିନେତା ଟିସାହି ହାଲେଭି ଦେଶ ପାଇଁ ସେନାରେ ସାମିଲ ହେବେ ବୋଲି ସେ କହିଛନ୍ତି। ଇସ୍ରାଏଲର ନଦର୍ଣ୍ଣ ରିଜିଅନ୍ ତାଙ୍କୁ ମୁତୟନ କରାଯିବା ନେଇ ଚିନ୍ତା କରାଯାଇଛି ବୋଲି ଚର୍ଚ୍ଚା ଜୋର୍ ଧରିଛି । ସେପଟେ ଦିନକୁ ଦିନ ଇସ୍ରାଏଲ ଉତ୍ତରାଞ୍ଚଳ ସୀମାରେ ଲେବାନନ୍ ସହ ବିବାଦ ବଢିବାରେ ଲାଗିଛି। ସୀମା ବିବାଦ ଯୋଗୁଁ ଏଠାରେ ହେଜବୋଲ୍ଲାଃ ଗୋଷ୍ଠୀଙ୍କ ସହ ଯୁଦ୍ଧ ସ୍ଥିତି ଦେଖାଦେଇଛି। ଯୁଦ୍ଧ ଟ୍ୟାଙ୍କର ବି ନିୟୋଜିତ କରାଯାଇଛି। ସେଠାରେ ବର୍ତ୍ତମାନ ସ୍ଥିତି ଗମ୍ଭୀର ଥିବାବେଳେ ଟିସାହିଙ୍କୁ ନିୟୋଜିତ ପାଇଁ କୁହାଯାଇଛି।
କିଛି ଦିନ ପୂର୍ବରୁ ଫୌଦା ଷ୍ଟାର୍ ଲାୟର ରାଜ୍ ଯୁଦ୍ଧରେ ଫସିରହିଥିବା ପରିବାରକୁ ଉଦ୍ଧାର କରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ୧୯୭୫ ମସିହା ମାର୍ଚ୍ଚ ୧୨ ତାରିଖରେ ଇସ୍ରାଏଲର ପେଟାଃ ଟିକ୍ଭା ଠାରେ ଟିସାହିଙ୍କ ଜନ୍ମ। ସେ ୨୦୧୮ରେ ଅଭିନେତ୍ରୀ ଲୁସି ଆହାରିସ୍ଙ୍କୁ ବିବାହ କରିଥିଲେ। ଏବଂ ସେ ଅନେକ ଫିଲ୍ମରେ କାମ କରି ଦର୍ଶକଙ୍କୁ ନିଜ ଯାଦୁରେ ବାନ୍ଧି ରଖିଛନ୍ତି ।
