ଓଡ଼ିଶା 365 (ବ୍ୟୁରୋ): ହମାସ-ଇସ୍ରାଏଲ ମଧ୍ୟରେ ଯୁଦ୍ଧ ଜାରି ରହିଛି । ହମାସ ଆତଙ୍କବାଦୀ ଆକ୍ରମଣର ପ୍ରତି ଜବାବ ଦେଇ ଇସ୍ରାଏଲ ଗାଜା ପଟ୍ଟି ଉପରେ ଜୋରଦାର ଆକ୍ରମଣ କରିଛି । ଆକାଶପଥରୁ ଘନ ଘନ ରକେଟ ମାଡରେ ଗାଜା ପଟ୍ଟିରେ ଥିବା ହମାସ ଆତଙ୍କବାଦୀ ଆଡ୍ଡାକୁ ଧ୍ୱଂସ୍ୱସ୍ତୁପରେ ପରିଣତ କରିଛି ଇସ୍ରାଏଲ । ତେବେ ଇସ୍ରାଏଲର ପ୍ରତି ଆକ୍ରମଣ ଦେଖି ହମାସ ଆତଙ୍କବାଦୀଙ୍କୁ ସମର୍ଥନ କରୁଥିବା ଇରାନ ଚିହିଁକି ଉଠିଛି । ସିଧାସଳଖ ଧମକ ଦେଇ ଇରାନ କହିଛି, ଯଦି ଇସ୍ରାଏଲ ଆକ୍ରମଣ ବନ୍ଦ ନ କରେ ତେବେ ଅନ୍ୟ ମୋର୍ଚ୍ଚାରୁ ଯୁଦ୍ଧ ଆରମ୍ଭ ହେବ ।
ଇରାନର ବୈଦଶିକ ମନ୍ତ୍ରୀ ଗୁରୁବାର ବେରୁତରୁ କହିଛନ୍ତି, ଗାଜା ଉପରେ ହେଉଥିବା ଆକ୍ରମଣକୁ ଦେଖିଲେ ଖୁବଶୀଘ୍ର ଇସ୍ରାଏଲ ଉପରେ ଅନ୍ୟ ମୋର୍ଚ୍ଚାରୁ ଯୁଦ୍ଧ ଆରମ୍ଭ କରାଯିବ । ତେଣୁ ଇସ୍ରାଏଲ ଗାଜା ଉପରେ କରୁଥିବା ରକେଟ ମାଡକୁ ବନ୍ଦ କରୁ ନଚେତ ଅନ୍ୟ ମୋର୍ଚ୍ଚାରୁ ଯୁଦ୍ଧ ନିଶ୍ଚିତ ବୋଲି କହିଛନ୍ତି ଇରାନର ବୈଦଶିକ ମନ୍ତ୍ରୀ । ଗତକାଲି ଇସ୍ରାଏଲର ଚେତାବନୀ ପରେ ଏବେ ହମାସ ମଧ୍ୟ ଇସ୍ରାଏଲକୁ ଚେତାବନୀ ଦେଇଛି ।
