ଓଡ଼ିଶା 365 (ବ୍ୟୁରୋ): ବ୍ରେକ ଫେଲ୍ ହୋଇ କଳିଙ୍ଗା ଘାଟିରେ ଦୁର୍ଘଟଣାଗ୍ରସ୍ତ ହେଲା ଥଣ୍ଡା ପାନୀୟ ବୋଝେଇ ଟ୍ରକ୍। ଫଳରେ ଡ୍ରାଇଭର ସୋନୁ ବିଶ୍ୱକର୍ମା ଟ୍ରକରେ ଚାପିହୋଇଯାଇଥିଲେ । ତାଙ୍କ ଭାଇ ଦୀପକ ବିଶ୍ୱକର୍ମା ସାମାନ୍ୟ ଆହତ ହୋଇଛନ୍ତି । ଟ୍ରକଟି ମଧ୍ୟପ୍ରଦେଶର ଭୋପାଲ ଠାରୁ ଥଣ୍ଡା ପାନୀୟ ଧରି ବ୍ରହ୍ମପୁର ଅଭିମୁଖେ ଯାଉଥିଲା ।
କଳିଙ୍ଗା ଘାଟିରେ ବ୍ରେକ ଫେଲ ହୋଇଯିବାରୁ ଏଭଳି ଅଭାବନୀୟ ଦୁର୍ଘଟଣା ଘଟିଥିବା ହେଲପର ଦୀପକ ବିଶ୍ୱକର୍ମା କହିଛନ୍ତି । ଖବର ପାଇ ଦୁର୍ଘଟଣା ସ୍ଥଳରେ ଜି. ଉଦୟଗିରି ଥାନା ଅଧିକାରୀ ଓ ଅଗ୍ନୀଶମ ଅଧିକରୀ ଦୁର୍ଘଟଣା ସ୍ଥଳରେ ପହଞ୍ଚି ଡ୍ରାଇଭରଙ୍କ ଉଦ୍ଧାର କରିଛନ୍ତି ।
