ଓଡ଼ିଶା 365 (ବ୍ୟୁରୋ):ଚର୍ଚ୍ଚାରେ ସାଉଥ ସୁପରଷ୍ଟାର ପ୍ରଭାସ ଓ ଅନୁଷ୍କଙ୍କ ଯୋଡି । ସୂଚନା ମୁତାବକ ଏହି ଯୋଡିଙ୍କ ଫଟୋ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଯେଉଁଥିରେ ଉଭୟଙ୍କ ବିବାହ ଠାରୁ ଝିଅ ହେବା ପର୍ୟ୍ୟନ୍ତ ଦେଖିବାକୁ ମିଳିଛି । ଚଚ୍ଚା ହେଉଛି ପ୍ରଭାସଙ୍କ ପ୍ରଶଂସକମାନଙ୍କୁ ଏଆଇ ଏକ ଉପହାର ଦେଇଛି । ପ୍ରଶଂସକମାନେ ଉଭୟଙ୍କ ଏହି ଫଟୋକୁ ବହୁତ ପସନ୍ଦ କରୁଛନ୍ତି । କୃତ୍ରିମ ଇଣ୍ଟେଲିଜେନ୍ସ ଦ୍ୱାରା ପ୍ରଭାସ ଏବଂ ଅନୁଷ୍କା ଶେଟ୍ଟୀଙ୍କ ବିବାହ ହୋଇଛି । ଯେଉଁଥିରେ ଉଭୟଙ୍କ ବିବାହ ଫଟୋ ସହିତ ସେମାନଙ୍କ ଝିଅର ଫଟୋ ମଧ୍ୟ ଭାଇରାଲ ହେବାରେ ଲାଗିଛି।
ଖବର ମୁତାବକ, ଆର୍ଟିଫିସିଆଲ୍ ଇଣ୍ଟେଲିଜେନ୍ସ ଦ୍ୱାରା ସେୟାର ହୋଇଥିବା ଏହି ଫଟୋରେ ପ୍ରଭାସ ଏବଂ ଅନୁଷ୍କା ବର-କନ୍ୟା ପୋଷାକରେ ନଜର ଆସିଛନ୍ତି । ଏହାସହ ଏହି ଫଟୋରେ ଉଭୟଙ୍କର ଏକ ସୁନ୍ଦର ଝିଅକୁ ମଧ୍ୟ ଦେଖିବାକୁ ମିଳିଛି। ଏହି ଫଟୋରେ ପ୍ରଭାସ ନିଜର ଖୁସି ପରିବାର ସହ ନଜର ଆସିଛନ୍ତି ।
ସେପଟେ, ଖୁବଶୀଘ୍ର ଆସିବାକୁ ଯାଉଛି ପ୍ରଭାସଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ସାଲାର’ । ଯାହାକୁ ନେଇ ଚର୍ଚ୍ଚା ଜୋର ଧରିଛି । ସୂଚନା ମୁତାବକ, ଏହି ଚଳଚ୍ଚିତ୍ରଟି ଚଳିତ ବର୍ଷ ଡିସେମ୍ବର ୨୨ ରେ ମୁକ୍ତିଲାଭ କରିବ। ଏହି ଫିଲ୍ମ ବଲିଉଡର କିଙ୍ଗ ଖାନ୍ ଶାହରୁଖଙ୍କ ‘ଡଙ୍କି’ କୁ ଟକ୍କର ଦେବାକୁ ଯାଉଛି ବୋଲି ଚର୍ଚ୍ଚା ଜୋର ଧରିଛି ।
