ଓଡ଼ିଶା 365 (ବ୍ୟୁରୋ): ଢେଙ୍କାନାଳର ଭୁଆଶୁଣି ପାହାଡରୁ ଜବତ ହେଲା ବିପୁଳ ପରିମାଣର ବିସ୍ଫୋରକ। ଭୁଆଶୁଣି ପାହାଡ଼ରେ ବେଆଇନ ଗ୍ରାନାଇଟ୍ ଖନନ ଚାଲିଥିଲା ବେଳେ ଅଚାନକ ଚଢ଼ାଉ କରିଥିଲା ଢେଙ୍କାନାଳ ପୋଲିସ । ଚଢାଉ ବେଳେ କ୍ରସରରୁ ବିପୁଳ ପରିମାଣର ବିସ୍ଫୋରକ ସାମଗ୍ରୀ ଜବତ କରିବାରେ ପୋଲିସ ସକ୍ଷମ ହୋଇଛି । ଏହି ବିସ୍ଫୋରକ ମଧ୍ୟରେ କିଛି ଖୋଲା ଆମୋନିଆ ନାଇଟ୍ରେଟ ସହିତ ୫୦ କିଲୋଗ୍ରାମର ପ୍ୟାକେଟ୍, ୪ ବ୍ୟାଗ୍ ଜିଲୋଟିନ, ୨୦ କେଜି ଡିଟୋନେଟର, ବ୍ୟାପକ ମାତ୍ରାରେ ତାର ଓ ବିସ୍ଫୋରଣରେ ବ୍ୟବହୃତ ସାମଗ୍ରୀ ଆଦି ଜବତ କରାଯାଇଛି ।
ବେଆଇନ ଭାବେ ଏହି ବିସ୍ଫୋରକ ରଖିଥିବା ଓ ବ୍ୟବହାର କରୁଥିବାରୁ କ୍ରସର ମାଲିକ ମାନସ ସାହୁ ଓ କ୍ରସର ମ୍ୟାନେଜର ଜିଲୁ ସାମଲକୁ ପୋଲିସ ଗିରଫ କରିଛି ବୋଲି ଢେଙ୍କାନାଳ ଏସପି ପ୍ରକାଶ କରିଛନ୍ତି ।
