ଓଡ଼ିଶା 365 (ବ୍ୟୁରୋ): ପାରିବାରିକ ବିବାଦ ମାମଲାରେ ଏସଡିଜେଏମ କୋର୍ଟରେ ହାଜର ହେଲେ ଓଲିଉଡର ଷ୍ଟାର କପଲ ବର୍ଷା ପ୍ରିୟଦର୍ଶିନୀ ଏବଂ ଅନୁଭବ ମହାନ୍ତି । ଆଜି କୋର୍ଟରେ ବର୍ଷାଙ୍କୁ ଜେରା କରିବେ ଅନୁଭବଙ୍କ ଓକିଲ । ଘରୋଇ ହିଂସା ନେଇ ଜେରାର ସମ୍ମୁଖୀନ ହେବେ ବର୍ଷା। ଗତ କିଛି ଦିନ ହେବ ବର୍ଷାଙ୍କୁ ଶାନ୍ତିପୂର୍ଣ୍ଣ ବିଚ୍ଛେଦ ପାଇଁ ଅପିଲ କରିଆସୁଛନ୍ତି ଅନୁଭବ ।
ପ୍ରଥମେ ସୋସିଆଲ ମିଡିଆରେ ମେସେଜ କରି ଅପିଲ କରିଥିଲେ । ଏହା ପରେ ଗତ କାଲି ଭିଡିଓ ବାର୍ତ୍ତା ଦେଇଥିଲେ । କହିଥିଲେ, ରାତିରେ ଶୋଇ ପାରୁନି ଆମ ପରିବାର । ବାପା, ମାଆ କି ଅନ୍ୟ କୌଣସି ସଦସ୍ୟ ଶୋଇ ପାରୁ ନାହାନ୍ତି । ବର୍ଷାଙ୍କୁ ଅନୁରୋଧ କରିଛନ୍ତି, ଭଲ ମଣିଷ ହିସାବରେ ଛାଡପତ୍ରକୁ ସ୍ବୀକାର କର । ଶାନ୍ତିଶୃଙ୍ଖଳାରେ ସହମତିରେ ଅଲଗା ହୋଇଯିବା । ସ୍ବାମୀ ସ୍ତ୍ରୀ ହୋଇ ରହିପାରିଲେ ନାହିଁ । ଭଲ ବନ୍ଧୁ ହୋଇ ରହିବା।
