କ୍ରିକେଟ୍ ବିଶ୍ୱକପ୍: ଆଜି ଭାରତ-ଆଫଗାନିସ୍ତାନ ମଧ୍ୟରେ କଡ଼ା ଟକ୍କର

ଓଡ଼ିଶା 365 (ବ୍ୟୁରୋ): ଦିନିକିଆ ବିଶ୍ୱକପରେ ଆଜି ହାଇଭୋଲଟେଜ୍ ମ୍ୟାଚ୍ ଦେଖିବାକୁ ମିଳିବ । ବିଶ୍ୱକପ୍ କ୍ରିକେଟରେ ଆଜି ଭାରତ-ଆଫଗାନିସ୍ତାନ ମୁକାବିଲା । ନୂଆଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଖେଳାଯିବ ଏହି ହାଇଭୋଲଟେଜ୍ ମ୍ୟାଚ୍ । ଭାରତ ବିଜୟରୁ ବିଶ୍ୱକପ୍ ଅଭିଯାନ ଆରମ୍ଭ କରିଥିବାରୁ ଖେଳାଳିଙ୍କ ମନୋବଳ ଦୃଢ ରହିଛି । ୨୦୧୯ ବିଶ୍ୱକପରେ ଉଭୟ ଦଳ ଶେଷ ଥର ପାଇଁ ପରସ୍ପରକୁ ଭେଟିଥିଲେ । ଏହି ମ୍ୟାଚକୁ ଭାରତ ୧୧ ରନରେ ଜିତିଥିଲା । ଆଜିର ମ୍ୟାଚରେ ଆଫଗାନିସ୍ତାନର ସ୍ପିନର ଓ ଭାରତର ବ୍ୟାଟରଙ୍କ ମଧ୍ୟରେ ଲଢେଇ ହେବ । ଆଫଗାନିସ୍ତାନରେ ରସିଦ ଖାନ୍ ଓ ମୁଜିବ-ଉର-ରେହମାନଙ୍କ ଭଳି ସ୍ପିନର ରହିଛନ୍ତି ।

ମହମ୍ମଦ ନବୀ ମଧ୍ୟ ଅତିରିକ୍ତ ସ୍ପିନର ଭାବେ ଦାୟିତ୍ୱ ତୁଲାଇବେ । ଏପଟେ ପ୍ରଥମ ମ୍ୟାଚ୍ ପ୍ରତି ଆଜିର ମ୍ୟାଚ୍ ମଧ୍ୟ ଓପନର ଶୁବମନ ଗିଲ ଖେଳିବେ ନାହିଁ । ଡେଙ୍ଗୁରେ ଆକ୍ରାନ୍ତ ଥିବା ଶୁବମନଙ୍କ ଚେନ୍ନାଇରେ ଚିକିତ୍ସା ଚାଲିଛି । ସେହିପରି ବୋଲିଂ ବିଭାଗରେ ମଧ୍ୟ ଭାରତ କିଛିଟା ପରିବର୍ତନ କରିପାରେ । ଅଶ୍ୱିନଙ୍କ ସ୍ଥାନରେ ସର୍ଦୁଲ ଠାକୁର କିମ୍ବା ମହମ୍ମଦ ସାମିଙ୍କୁ ସୁଯୋଗ ମିଳିପାରେ । ଏହି ମ୍ୟାଚକୁ କ୍ରିକେଟ୍ ପ୍ରେମୀ ଅପେକ୍ଷା କରି ରହିଛନ୍ତି ।