ଓଡ଼ିଶା 365 (ବ୍ୟୁରୋ): ରିଲିଜ୍ ହେଲା ବହୁ ପ୍ରତିକ୍ଷିତ ଫିଲ୍ମ ‘ଲିଓ’ର ଦମଦାର ଟ୍ରେଲର । ଚର୍ଚ୍ଚାରେ ସାଉଥସୁପରଷ୍ଟାର ବିଜୟ ଥାଲାପତି । ଦର୍ଶକ ମାନଙ୍କ ବହୁ ଦିନର ଅପେକ୍ଷାର ଅନ୍ତ ଘଟାଇ ଆଜି ‘ଲିଓ’ର ଦମଦାର ଟ୍ରେଲର ରିଲିଜ୍ ହୋଇଛି । ଏଥିରେ ଅଭିନେତାମାନେ ଗୋଟିଏ ପରେ ଗୋଟିଏ ଆକ୍ସନ ଦୃଶ୍ୟ ପ୍ରଦର୍ଶନ କରୁଥିବା ଦେଖାଯାଇଛି। ବିଜୟଙ୍କ ସହ ବଲିଉଡର ଦମଦାର ଆକ୍ଟର ସଞ୍ଜୟ ଦତ୍ତଙ୍କୁ ମଧ୍ୟ ଏହି ଫିଲ୍ମରେ ଦେଖିବାକୁ ମିଳିଛି ।
‘ଲିଓ’ର ଟ୍ରେଲରରୁ ଜଣାପଡୁଛି ଯେ, ଏହି ଫିଲ୍ମଟି ଆକ୍ସନ ଏବଂ ଡ୍ରାମାରେ ପରିପୂର୍ଣ୍ଣ ଅଟେ । ଏହି ମୁଭିରେ ବିଜୟ ବଲିଉଡର ଭିଲେନ ଅର୍ଥାତ୍ ସଞ୍ଜୟ ଦତ୍ତଙ୍କ ସହ ଫାଇଟିଂ କରୁଥିବାର ନଜର ଆସିଛନ୍ତି। ସଞ୍ଜୁ ବାବା ମଧ୍ୟ ତାଙ୍କ ଚେହେରା ସହିତ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରୁଛନ୍ତି। ଫିଲ୍ମର ଟ୍ରେଲରରେ ଏହି ଦୁଇ ସୁପରଷ୍ଟାର ପରସ୍ପର ସହ ସଂଘର୍ଷ କରୁଥିବା ଦେଖି ପ୍ରଶଂସକଙ୍କ ମଧ୍ୟରେ ଏକ୍ସାଇଟମେଣ୍ଟ ଆହୁରି ବଢିଯାଇଛି। ଟ୍ରେଲରଟି ରିଲିଜ ହେବା ମାତ୍ରେ ଦର୍ଶକମାନଙ୍କ ମନ ଜିଣିବାରେ ଲାଗିପଡିଛି । ଏହାସହ ଏହି ଫିଲ୍ମର ଅଭିନେତ୍ରୀ ତ୍ରିଷ୍ଣା କୃଷ୍ଣନଙ୍କ ଝଲକ ମଧ୍ୟ ଦେଖିବାକୁ ମିଳିଛି।
ଏହି ଫିଲ୍ମକୁ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ଲୋକେଶ କନଗରାଜ ନିର୍ଦ୍ଦେଶନା ଦେଇଛନ୍ତି। ଏଥିରେ ସଞ୍ଜୟ ଦତ୍ତଙ୍କ ବ୍ୟତୀତ ଅନୁରାଗ କାଶ୍ୟପଙ୍କୁ ମଧ୍ୟ ଦେଖିବାକୁ ମିଳିବ । ଖବର ମୁତାବକ, ଏହି ଫିଲ୍ମଟି ତାମିଲ ଭାଷାରେ ପ୍ରସ୍ତୁତ ହୋଇଥିଲେ ମଧ୍ୟ ଏହା ହିନ୍ଦୀ ସହିତ ଅନ୍ୟାନ୍ୟ ଭାଷାରେ ମଧ୍ୟ ରିଲିଜ ହେଉଛି। ଏହି ଫିଲ୍ମ ଅକ୍ଟୋବର ୧୯ରେ ପ୍ରେକ୍ଷାଳୟକୁ ଆସିବାକୁ ଯାଉଛି।
