ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କିଙ୍ଗ୍ ଖାନ୍ ଶାହରୁଖ ଖାନ୍ । ସେ ବର୍ତ୍ତମାନ ‘ଯବାନ’ ହୋଇ ସମସ୍ତଙ୍କ ହୃଦୟରେ ରାଜ କରୁଛନ୍ତି । କିଙ୍ଗ ଖାନଙ୍କ ଫିଲ୍ମ ‘ଯବାନ’ ଦେଖିବା ପାଇଁ ନେଇ ଏବେ ମଧ୍ୟ ଲୋକଙ୍କ ଭିତରେ ଅନେକ କ୍ରେଜ୍ ଭରି ରହିଛି । ଏବେ ବି ଫିଲ୍ମଟି ବକ୍ସ ଅଫିସ୍ରେ ହଇଚଇ ସୃଷ୍ଟି କରୁଛି । ଶାହାରୁଖ ଖାନ ଏହି ଫିଲ୍ମରେ ୭ଟି ରୂପରେ ନଜର ଆସିଛନ୍ତି । ଏହି ଫିଲ୍ମରେ ତାଙ୍କ ପ୍ରତ୍ୟେକ ଟି ଲୁକ୍ ପରସ୍ପର ଠାରୁ ସମ୍ପୂର୍ଣ୍ଣ ଭିନ୍ନ ଥିଲା । ଏବେ ଫ୍ୟାନ୍ସ ତାଙ୍କ ଅପକମିଂ ଫିଲ୍ମ ‘ଡଙ୍କି’କୁ ଉତ୍ସାହାର ସହ ଅପେକ୍ଷ୍ୟ କରିଛନ୍ତି । ହୁଏତ ଶାହାରୁଖ ଖାନ ଏହି ଫିଲ୍ମରେ ‘ଏଲିଏନ୍’ ଏଲିମେଣ୍ଟା ଭୂମିକାରେ ନଜର ଆସିପାରନ୍ତି। କିଙ୍ଗ ଖାନଙ୍କ ଅପକମିଂ ଫିଲ୍ମ ‘ଡଙ୍କି’କୁ ରାଜକୁମାର ହିରାନି ନିର୍ଦ୍ଦେଶନା ଦେଉଛନ୍ତି । ରାଜକୁମାର ହିରାନି ବଲିଉଡରେ ଅନେକ ଫିଲ୍ମ ତିଆରି କରିଛନ୍ତି। ଯେପରି ‘ ମୁନାଭାଇ ଏମ୍ବିବିଏସ୍’, ‘ଲାଗେ ରହେ ମୁନାଭାଇ’, ୩ ଇଡିଅଟ୍ସ’ ଏବଂ ପି.କେ ଏହି ସବୁ ଫିଲ୍ମକୁ ସେ କିଛି ଭିନ୍ନ ଭାବେ ଦର୍ଶକଙ୍କ ସାମ୍ନାକୁ ଆଣିଛନ୍ତି । ତେବେ ଏଥିରୁ ଜଣାପଡୁଛି ଯେ ‘ଡଙ୍କି’ରେ ମଧ୍ୟ ଶାହାରୁଖ ଖାନ ଏଲିଏନ୍ ଭୂମିକାରେ ନଜର ଆସିପାରନ୍ତି ।
ସେପଟେ ଫିଲ୍ମ ‘ଡଙ୍କି’ର କାହାଣୀ ଭାରତରୁ ଇଲିଗଲ ଇମିଗ୍ରେସନ୍ କରୁଥିବା ଲୋକଙ୍କ ଉପରେ ଆଧାରିତ ହୋଇଥାଇପାରେ ବୋଲି ଚର୍ଚ୍ଚା ହେଉଛି । ଇଲିଗଲ୍ ଭାବେ ବିଦେଶରେ ପହଞ୍ଚାଉଥିବା ପ୍ରକ୍ରିୟାକୁ ‘ଡଙ୍କି ଫ୍ଲାଇଟ୍’ କୁହାଯାଏ । ତେବେ ଏହା ମଧ୍ୟ ହୋଇପାରେ ଯେ ରାଜକୁମାର ହିରାନି ନିଜ ସିଗ୍ନେଚର ଷ୍ଟାଇଲ୍ରେ ଫିଲ୍ମଟିର ମୁଖ୍ୟ ଭୂମିକାକୁ ‘ଏଲିୟନ’ ଏଲିମେଣ୍ଟ ଭାବେ ତିଆରି କରି ପାରନ୍ତି । ତେବେ ଫ୍ୟାନ୍ସମାନେ ଫିଲ୍ମ ରିଲିଜକୁ ବଡ଼ ଉତ୍ସାହର ସହ ଅପେକ୍ଷା କରିଛନ୍ତି ।
