ଓଡ଼ିଶା 365 (ବ୍ୟୁରୋ): କାର୍ତ୍ତିକ ଆର୍ୟନ ଯିଏ କି ନିଜର ଦମଦାର ଅଭିନୟ ଓ ଷ୍ଟାଇଲିସ୍ ଲୁକ୍ ପାଇଁ ସମସ୍ତଙ୍କ ହୃଦୟରେ ରାଜ କରନ୍ତି । ବର୍ତ୍ତମାନ ଚର୍ଚ୍ଚା ହେଉଛି ଯେ, ଫିଲ୍ମ ‘ବର୍ଡର ୨’ ଅଫରକୁ ସେ ମନା କରିଦେଇଛନ୍ତି । ହେଲେ କ’ଣ ପାଇଁ ଏବଂ କାହିଁକି ଅଫରକୁ ମନା କଲେ ତାହା ଏବେ ସମସ୍ତଙ୍କ ମନରେ ଏକ ପ୍ରଶ୍ନବାଚୀ ସୃଷ୍ଟି କରିଛି ।
ସୂଚନା ଅନୁଯାୟୀ, ଫିଲ୍ମ ‘ଗଦର ୨’ର ସଫଳତା ପରେ ନିର୍ମାତାମାନେ ‘ବର୍ଡ଼ର ୨’ ଆଣିବାକୁ ଯୋଜନା କରୁଛନ୍ତି । ଏହାର ସ୍କ୍ରିପ୍ଟ ପ୍ରସ୍ତୁତ ଥିବା ବେଳେ ଅଭିନେତା ସନ୍ନି ଦେଓଲଙ୍କ ସହ ଯୁବ କଳାକାରଙ୍କୁ ଯୋଡ଼ାଯିବ ବୋଲି ଚର୍ଚ୍ଚା ହେଉଛି । ଏଥିପାଇଁ ପ୍ରଥମ ପସନ୍ଦ ଥିଲେ କାର୍ତ୍ତିକ ଆର୍ୟନ। ହେଲେ ଫିଲ୍ଟଟି ମଲ୍ଟିଷ୍ଟାରର ହୋଇଥିବା ଯୋଗୁ କାର୍ତ୍ତିକ ଏହା କରିବାକୁ ମନା କରିଦେଇଛନ୍ତି। ସେ କହିଛନ୍ତି ଯେ, ତାଙ୍କୁ ଏହି ସ୍କ୍ରିପ୍ଟଟି ସେତେଟା ଆକର୍ଷକ ଲାଗିଲା ନାହିଁ । ଖାସକରି ଏଥିପାଇଁ ‘ବର୍ଡର ୨’ ଅଫରକୁ ମନା କରିଦେଲେ କାର୍ତ୍ତିକ ।
