ଲଣ୍ଡନରେ ନନ୍ଦିତା ମହତାନିଙ୍କ ହାତ ଧରିବେ ବିଦ୍ୟୁତ; ଜାଣନ୍ତୁ ଏହି ଦିନ ହେବ ବିବାହ

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡର ଲୋକପ୍ରିୟ ଅଭିନେତା ବିଦ୍ୟୁତ ଜାମୱାଲ ଓ ତାଙ୍କ ଗଲଫ୍ରେଣ୍ଡ୍ ନନ୍ଦିତା ମହତାନି । ବିଦ୍ୟୁତ୍ ସବୁବେଳେ ଷ୍ଟଣ୍ଟ ଏବଂ ମାର୍ଶଲ ଆର୍ଟ ପାଇଁ ଅନେକ ଝିଅଙ୍କ ହୃଦୟରେ ରାଜ କରନ୍ତି । ପ୍ରତ୍ୟେକ ଝିଅ ତାଙ୍କୁ ବିବାହ କରିବାକୁ ଚାହାଁନ୍ତି । ହେଲେ ବର୍ତ୍ତମାନ ସେ ସମସ୍ତଙ୍କ ହୃଦୟ ଭାଙ୍ଗି ତାଙ୍କ ଗର୍ଲଫ୍ରେଣ୍ଡ୍ ନନ୍ଦିତାଙ୍କୁ ବିବାହ କରିବାକୁ ଯାଉଛନ୍ତି । ସୂଚନା ମୁତାବକ,ଗତ ବର୍ଷ ଏହି କପଲ ନିର୍ବନ୍ଧ କରିଥିଲେ । ନିର୍ବନ୍ଧ ପରଠାରୁ ସେମାନଙ୍କ ବିବାହ ବିଷୟରେ ସୋସିଆଲ ମିଡିଆରେ ଅନେକ ସମୟରେ ବିଭିନ୍ନ ପ୍ରକାରର ଖବର ଆସୁଥିଲା । ଗତ ବର୍ଷ ଚର୍ଚ୍ଚା ହୋଉଥିଲା ଯେ ଦୁହେଁ ଖୁବଶୀଘ୍ର ବିବାହ କରିବାକୁ ଯାଉଛନ୍ତି। ସେମାନଙ୍କ ବିବାହ ତାରିଖ ମଧ୍ୟ ପ୍ରକାଶ ପାଇଥିଲା। ହେଲେ ସେହି ତାରିଖ ଅନୁଯାୟୀ ସେମାନଙ୍କର ବିବାହ ହୋଇନଥିଲା । ଯାହାକୁ ନେଇ ଫ୍ୟାନ୍ସମାନଙ୍କ ମନ ଭାଙ୍ଗିଯାଇଥିଲା ।

ଏକ ବିଶେଷ ସୂତ୍ରରୁ ଜଣାପଡିଛି ଯେ, ଏହି କପଲ ଗତ ବର୍ଷ ଜୁଲାଇରେ ବିବାହ କରିଥିଲେ। କିନ୍ତୁ ଦୁହେଁ ନିଜ ବିବାହକୁ ଗୁପ୍ତ ରଖିବାକୁ ନିଷ୍ପତ୍ତି ନେଇଥିଲେ। ବର୍ତ୍ତମାନ ପୁଣି ଥରେ ଉଭୟ ରୀତିନୀତି ଅନୁଯାୟୀ ବିବାହ କରିବାକୁ ଯାଉଛନ୍ତି । ଏହି ରିପୋର୍ଟରେ ଦର୍ଶାଯାଇଛି ଯେ, ବିଦ୍ୟୁତ ଏବଂ ତାଙ୍କ ଲେଡି ଲଭଙ୍କ ବିବାହ ଟିନସେଲ ଟାଉନରେ ହେବ। ବିଦ୍ୟୁତ ଖୁବ୍ ଶୀଘ୍ର ଲଣ୍ଡନ ଯିବେ । କାରଣ ତାଙ୍କ ପ୍ରେମିକା ଲଣ୍ଡନରେ ରୁହନ୍ତି। ଏହି ଖବର ଶୁଣି ପ୍ରଶଂସକମାନେ ତାଙ୍କ ବିବାହକୁ ଚାତକ ପରି ଚାହିଁ ରହିଛନ୍ତି ।