ଓଡ଼ିଶା 365 (ବ୍ୟୁରୋ): ବଲିଉଡର ବିଗ୍ ବି ଅର୍ଥାତ ଅମିତାଭ ବଚ୍ଚନ ପ୍ରତି ଘରେ ଘରେ ପରିଚିତ । ସେ ତାଙ୍କ ଜୀବନକାଳ ମଧ୍ୟରେ ବଲିଉଡକୁ ବହୁ ହିଟ୍ ଫିଲ୍ମ ଦେଇ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । ହେଲେ ବର୍ତ୍ତମାନ ସେ ଫିଲ୍ମ ଅପେକ୍ଷା ଲୋକମାନଙ୍କୁ ହସେଇବାର କୌାଳ ଆପଣେଇଛନ୍ତି । ଅର୍ଥାତ୍ ସେ ବିଭିନ୍ନ ଶୋ’ ମାଧ୍ୟମରେ ଲୋକମାନଙ୍କୁ ନିଜ ଆଡକୁ ଆକୃଷ୍ଟ କରିଛନ୍ତି । ଏହି ଶୋ’ ମାଧ୍ୟମରେ ବିଗ୍ ବି ତାଙ୍କ ଜୀବନର ଅନେକ ସ୍ମୃତିକୁ ମଧ୍ୟ ତାଙଭ୍କ ଫ୍ୟାନ୍ସମାନଙ୍କ ସହ ସେୟାର କରୁଛନ୍ତି । ନିକଟରେ ସୋନି ଟିଭିରେ ପ୍ରସାରିତ ‘କୌନ ବନେଗା କରୋଡପତି’ରେ ଛାତ୍ରଜୀବନକୁ ମନେ ପକାଇଛନ୍ତି ବିଗ୍ ବି ଅମିତାଭ ବଚ୍ଚନ। ସେ ଗ୍ରାଜୁଏଶନ ଲାଗି ଫିଜିକ୍ସ(ପଦାର୍ଥ ବିଜ୍ଞାନ)କୁ ବାଛିଥିଲେ। ହେଲେ ଏହି ବିଷୟ ସେତେଟା ସହଜ ନ ଥିଲା।
ଏହାକୁ ନେଇ ସେ ଚିନ୍ତାରେ ରହୁଥିଲେ। ସର୍ବଦା ଭୁଲ ବିଷୟ ବାଛିଥିବା ନେଇ ମନ ଦୁଃଖ କରୁଥଲେ। ତିନି ବର୍ଷ ଧରି ସେହି ପାଠ୍ୟକ୍ରମକୁ ପଢ଼ିବାକୁ ପଡ଼ିଥିଲା। ପରେ ଦୁଇ ମାସ କେବଳ ଉପରଠାଉରିଆ ଭାବେ ତାକୁ ମନେ ରଖିଥିଲେ। ହେଲେ ପରୀକ୍ଷାରେ ସେ ପାସ୍ ହେବା ପରିବର୍ତ୍ତେ ଉକ୍ତ ବିଷୟରେ ବ୍ୟାକ୍ ଲାଗିଥିଲା। ପରେ ସେ ପୁନର୍ବାର ପରୀକ୍ଷା ଦେଇ ପାସ କରିଥିବା ଅମିତାଭ କହିଛନ୍ତି। କେବିସିରେ ୨୦୧୫ରେ ଗିନିଜ ବୁକ୍ ଅଫ୍ ଓ୍ବାର୍ଲଡ୍ ରେକର୍ଡରେ ନାମ କମାଇଥିବା ଡା. ଆଶିଷ ପ୍ରତିଯୋଗୀ ଭାବେ ଭାଗ ନେଇଥିଲେ। ତାଙ୍କ ସମ୍ମୁଖରେ ଅମିତାଭ ପୁରୁଣା ଦିନକୁ ମନେ ପକାଇଛନ୍ତି। ସେପଟେ ବିଗ୍ ବିଙ୍କ ଏହି ସ୍ମୃତି ମଧ୍ୟ ଲୋକମାନଙ୍କ ମଦକୁ ଛୁଇଁଛି ।
