ଓଡ଼ିଶା 365 (ବ୍ୟୁରୋ): ସ୍କ୍ରବ୍ ଟାଇଫସ୍ରେ ଆକ୍ରାନ୍ତ ହୋଇଛନ୍ତି କୃଷି ସଚିବ ଅରବିନ୍ଦ ପାଢ଼ୀ । କ୍ୟାପିଟାଲ ହସ୍ପିଟାଲରେ ରକ୍ତ ନମୁନା ପରୀକ୍ଷାରୁ ସେ ସ୍କ୍ରବ୍ ଟାଇଫସ୍ରେ ଆକ୍ରାନ୍ତ ଥିବା ଜଣାପଡ଼ିଛି । ତେବେ ଡାକ୍ତରଙ୍କ ପରାମର୍ଶ କ୍ରମେ ଘରେ ରହି ଚିକିତ୍ସିତ ହେଉଛନ୍ତି ଅରବିନ୍ଦ ।
ସାରା ରାଜ୍ୟରେ ସ୍କ୍ରବ ଟାଇଫସ୍ ଏବେ ଘାତକ ହେଉଛି। ଏଥିରେ ଆକ୍ରାନ୍ତ ହୋଇ ଲୋକଙ୍କ ଜୀବନ ମଧ୍ୟ ଯାଉଛି । ଗତ ୨୪ ଘଣ୍ଟାରେ ୨୦ ଚିହ୍ନଟ ଚିହ୍ନଟ ହୋଇଛନ୍ତି। ପ୍ରତ୍ୟେକ ଦିନ ରାଜ୍ୟର ବିଭିନ୍ନ ସ୍ଥାନରୁ ଏହି ଆକ୍ରାନ୍ତଙ୍କ ତାଲିକା ବଢିବାରେ ଲାଗିଛି। ଏଣୁ ସ୍କ୍ରବ୍ ଟାଇଫସକୁ ନେଇ ରାଜ୍ୟରେ ଭୟର ବାତାବରଣ ଦେଖାଦେଇଛି । ଚଳିତବର୍ଷ ବର୍ତ୍ତମାନ ସୁଦ୍ଧା ୨୨ ହଜାର ୭୭ ଜଣଙ୍କ ସ୍କ୍ରବ୍ ଟାଇଫସ୍ ଟେଷ୍ଟ ହୋଇଛି । ସେମାନଙ୍କ ମଧ୍ୟରୁ ୨ ହଜାର ୨୦ ପଜିଟିଭ୍ ଚିହ୍ନଟ ହୋଇଛନ୍ତି ।
