ଓଡ଼ିଶା 365 (ବ୍ୟୁରୋ) : ଯଦି ଆପଣ ଜଣେ ମଧୁମେହ ରୋଗୀ ଓ ଆପଣଙ୍କର ମୋଟାପଣ ଦ୍ୱାରା ବିଭିନ୍ନ ଅସୁବିଧାରେ ପଡୁଛନ୍ତି, ତେବେ ଆଜିଠାରୁ ନିଜ ଖାଦ୍ୟରେ ସାମିଲ କରନ୍ତୁ ଡ୍ରାଗନ୍ ଫୁଡ୍ । ଏଥିରେ ଅନେକ ପ୍ରକାରର ପୋଷକ ତତ୍ତ୍ୱ ଭରି ରହିଥାଏ , ଯାହା ଶରୀରକୁ ଅନେକ ରୋଗରୁ ରକ୍ଷା କରି ଶରୀରକୁ ପୁଷ୍ଟିକର ଖାଦ୍ୟ ଯୋଗାଇବାରେ ସାହାଯ୍ୟ କରିଥାଏ ।ଡ୍ରାଗନ୍ ଫୁଡ୍ ରେ ଥିବା ଭିଟାମିନ୍ ସି ମଧ୍ୟ ବୃଦ୍ଧାବସ୍ଥାକୁ ହ୍ରାସ କରି ଚର୍ମକୁ ସୁସ୍ଥ ରଖିବାରେ ସାହାଯ୍ୟ କରିଥାଏ । ଏପରି ପରିସ୍ଥିତିରେ, ଆସନ୍ତୁ ଜାଣିବା ଡ୍ରାଗନ୍ ଫୁଡ୍ ଖାଇ ଦ୍ୱାରା ଶରୀରକୁ କେଉଁ ଆଶ୍ଚର୍ଯ୍ୟଜନକ ଉପକାର ମିଳିଥାଏ ।
ଡ୍ରାଗନ୍ ଫୁଡ୍ ଫ୍ଲାଭୋନାଏଡ୍, ଫେନୋଲିକ୍ ଏସିଡ୍, ଆସ୍କୋରବିକ୍ ଏସିଡ୍ ଏବଂ ଫାଇବର ଥାଏ । ଏହି ସମସ୍ତ ଉପାଦାନ ରକ୍ତରେ ସର୍କରା ପରିମାଣକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ପଶୁ ଭିତ୍ତିକ ଅଧ୍ୟୟନରୁ ଜଣାପଡିଛି ଯେ ଡ୍ରାଗନ୍ ଫ୍ରୁଡ୍ ଅଗ୍ନାଶୟ ବିଟା କୋଷର ବିକାଶ କରି ମୋଟାପଣର ଆଶଙ୍କା ହ୍ରାସ କରି ଏକ ମଧୁମେହ ବିରୋଧୀ ପ୍ରଭାବ ସୃଷ୍ଟି କରିଥାଏ ।
ଡ୍ରାଗନ୍ ଫୁଡ୍ ରେ ମିଳୁଥିବା ଛୋଟ ଛୋଟ କଳା ମଞ୍ଜିଗୁଡ଼ିକ ଓମେଗା -୩ ଏବଂ ଓମେଗା -୯ ଫ୍ୟାଟି ଏସିଡ୍ର ଉତ୍ତମ ଉତ୍ସ, ଯାହା ହୃଦୟକୁ ସୁସ୍ଥ ରଖିବାରେ ସାହାଯ୍ୟ କରିଥାଏ ।
ଡ୍ରାଗନ୍ ଫୁଡ୍ ରେ ଥିବା ଫାଇବର ଏବଂ ଅନେକ ଭିଟାମିନ୍ ହଜମ ପ୍ରକ୍ରିୟାକୁ ଭଲ ଭାବରେ ବଜାୟ ରଖିବାରେ ସାହାଯ୍ୟ କରେ । ପେଟ ଏବଂ ଅନ୍ତନଳୀରେ ଏକ ଭଲ ମାଇକ୍ରୋବାୟୋମକୁ ପ୍ରୋତ୍ସାହନ ଦେଇ ଏହା ସମ୍ବନ୍ଧୀୟ ଅସୁବିଧାକୁ ଦୂର କରିବାରେ ସାହାଯ୍ୟ କରିଥାଏ । ଡ୍ରାଗନ୍ ଫୁଡ୍ ରେ ଥିବା ବିଟା ସିଆନିନ ପେଟରେ ଭଲ ବ୍ୟାକ୍ଟେରିଆ ବୃଦ୍ଧି କରି ମେଦବହୁଳତା ହ୍ରାସ କରିବାରେ ସାହାଯ୍ୟ କରିଥାଏ ।
ଡ୍ରାଗନ୍ ଫୁଡ୍ ଆଣ୍ଟି -ଇନ୍ଫ୍ଲାମେଟୋରୀ ଗୁଣରେ ଭରପୂର ଅଟେ ଯାହା ଆଣ୍ଠୁ ଗଣ୍ଠି ଫୁଲା ଏବଂ ଯନ୍ତ୍ରଣାକୁ ହ୍ରାସ କରିବାରେ ସାହାଯ୍ୟ କରେ। ରିମାଟଏଡ୍ ଆର୍ଥ୍ରାଇଟିସରେ ପୀଡିତ ଲୋକମାନେ ଡ୍ରାଗନ୍ ଫୁଡ୍ ଖାଇ ଯନ୍ତ୍ରଣାକୁ ବହୁ ମାତ୍ରାରେ ହ୍ରାସ କରିପାରିବେ ।
ଡ୍ରାଗନ୍ ଫୁଡ୍ ରେ ଥିବା ଭିଟାମିନ୍-ସି ରୋଗ ପ୍ରତିରୋଧକ ଶକ୍ତି ବଢ଼ାଇ ଶରୀରକୁ ଅନେକ ରୋଗରୁ ରକ୍ଷା କରିବାରେ ସାହାଯ୍ୟ କରିଥାଏ ।
ଡ୍ରାଗନ୍ ଫୁଡ୍ ଯାହାକି ଭିଟାମିନ୍ ସି ଏବଂ ଆଣ୍ଟିଅକ୍ସିଡାଣ୍ଟ ଗୁଣରେ ଭରପୂର ଅଟେ । ଏଥିରେ ମିଳୁଥିବା ଭିଟାମିନ୍ କ୍ଷତିଗ୍ରସ୍ତ କୋଷଗୁଡ଼ିକୁ ଠିକ କରିଥାଏ ଏବଂ ଚର୍ମକୁ ବାର୍ଦ୍ଧକ୍ୟର ପ୍ରଭାବରୁ ରକ୍ଷା କରିଥାଏ ।
