ଓଡ଼ିଆ 365 (ବ୍ୟୁରୋ):ବିବାହ ପରେ ପୁଣି ଚର୍ଚ୍ଚାକୁ ଆସିଛନ୍ତି ପରିଣୀତି ଚୋପ୍ରା । ଏଥର ବଡ଼ ପରଦାରେ ପୁଣି ଜମିବ ଅକ୍ଷୟ-ପରିଣୀତିଙ୍କ କେମେଷ୍ଟ୍ରି । ଅକ୍ଷୟ କୁମାର ଏବଂ ପରିଣୀତି ଚୋପ୍ରା ପୂର୍ବରୁ ‘କେସରୀ’ରେ ଏକାଠି କାମ କରିଥିଲେ। ଏହି ଚଳଚ୍ଚିତ୍ରଟି ଏକ ବ୍ଲକବଷ୍ଟର ହୋଇଥିଲା। ବର୍ତ୍ତମାନ ଅକ୍ଷୟ ଏବଂ ପରିଣୀତିଙ୍କ ଫିଲ୍ମ ଆଉ ୩ ଦିନ ପରେ ରିଲିଜ ହେବାକୁ ଯାଉଛି। ଏହାପୂର୍ବରୁ ଅକ୍ଷୟ ତାଙ୍କ ସହ-ଅଭିନେତ୍ରୀଙ୍କୁ ତାଙ୍କ ବିବାହ ଅବସରରେ ଏକ ସୁନ୍ଦର ଉପହାର ଦେଇଛନ୍ତି।
ପୂର୍ବରୁ ଅକ୍ଷୟ କୁମାର ଆଗାମୀ ଚଳଚ୍ଚିତ୍ର ‘ମିଶନ ରାନିଗଞ୍ଜ’ର ଏକ ନୂଆ ଗୀତର ଝଲକ ସେୟାର କରିଥିଲେ। ଏଥିରେ ଅକ୍ଷୟ ଏବଂ ପରିଣୀତି ଏକ ରୋମାଣ୍ଟିକ୍ ଷ୍ଟାଇଲରେ ପୋଜ୍ ଦେଇଥିବା ଦେଖିବାକୁ ମିଳିଥିଲା । ଫଟୋ ଶେୟାର କରି ଅକ୍ଷୟ କହିଛନ୍ତି ଯେ, ଏହା ପରିଣୀତିଙ୍କ ବିବାହ ପାଇଁ ମୋ ତରଫରୁ ଏକ ଉପହାର। ଏହାସହ ସେ ଲେଖିଛନ୍ତି, “ପ୍ରେମଠାରୁ ବଡ଼ କିଛି ନାହିଁ, ପରିଣୀତି ଚୋପ୍ରା । ଆସୁଥିବା ତୁମର ବିଶେଷ ଦିନ ପାଇଁ ଏହା ଏକ ଉପହାର ! ଭାରତର ପ୍ରକୃତ ହିରୋର କାହାଣୀ ‘ମିଶନ ରାନିଗଞ୍ଜ’। ୬ ଅକ୍ଟୋବରରେ ପ୍ରେକ୍ଷାଳୟରେ ଦେଖନ୍ତୁ।” ବାସ୍ତବରେ ଏହି ଫଟୋଟି ଫିଲ୍ମର ରୋମାଣ୍ଟିକ୍ ଗୀତ ‘କିମତ’ର ଝଲକ। ଏହି ପୋଷ୍ଟରେ ପରିଣୀତି ପ୍ରେମ ପୂର୍ଣ୍ଣ ଆଖିର ନିଜ ମିତକୁ ଦେଖୁଛନ୍ତି।
ସେପଟେ ପରିଣୀତି ଚୋପ୍ରା ସେପ୍ଟେମ୍ବର ୨୭ରେ ରାଘବ ଚଢାଙ୍କୁ ବିବାହ କରିଛନ୍ତି। ଉଭୟ ରାଜସ୍ଥାନର ଉଦୟପୁରର ଏକ ସୁନ୍ଦର ସ୍ଥାନରେ ବିବାହ କରିଥିଲେ । ଏହାପରେ ପରିଣୀତି କ୍ରମାଗତ ଭାବରେ ସୋସିଆଲ ମିଡିଆରେ ବିଟିଏସ୍ ବିବାହ ଫଟୋ ଏବଂ ଭିଡିଓ ଶେୟାର କରୁଛନ୍ତି । ଯାହା ଫ୍ୟାନ୍ସମାନଙ୍କ ଦିଲ୍ ଖୁସ୍ କରୁଛି ।
