ଓଡ଼ିଶା 365 (ବ୍ୟୁରୋ): ଅମିର କମବ୍ୟାକ । ବଲିଉଡରେ ଏହି ଡାକ ଶୁଣାଯାଉଛି । କହିବାକୁ ଗଲେ ବଲିଉଡ ଅଭିନେତା ଆମିର ଖାନ ଦୀର୍ଘ ଦିନ ଧରି ହିନ୍ଦୀ ସିନେମାରୁ ନିଜକୁ ଦୂରେଇ ରଖିଛନ୍ତି ଏବଂ ପ୍ରଶଂସକମାନେ ତାଙ୍କ କମବ୍ୟାକକୁ ଅପେକ୍ଷା କରିଛନ୍ତି। ତାଙ୍କ ଅନୁପସ୍ଥିିତିକୁ ଦର୍ଶକମାନେ ବେଶ୍ ଝୁରି ହେଉଛନ୍ତି । ହେଲେ ଅମିରଙ୍କ ପ୍ରଶଂସକମାନଙ୍କ ପାଇଁ ଏକ ଖୁସି ଖବର ଆସିଛି । ଅମିର ଖୁବଶୀଘ୍ର ଆଡଭୋକେଟ ଉଜ୍ଜ୍ୱଲ ନିକାମଙ୍କ ବାୟୋପିକରେ ଦେଖିବାକୁ ମିଳିବେ। ଏହି ଖବର ଶୁଣିବା ପରେ ପ୍ରଶଂସକମାନେ ବହୁତ ଏକ୍ସାଇଟେଡ ହୋଇଯାଇଛନ୍ତି।
ବଲିଉଡର ମିଷ୍ଟର ପରଫେକ୍ସନିଷ୍ଟ ଆମିର ଖାଁ ପ୍ରତ୍ୟେକ ଫିଲ୍ମରେ ଦର୍ଶକଙ୍କ ପାଇଁ କିଛି ଭିନ୍ନ ବିଷୟବସ୍ତୁ ଆଣିଥାନ୍ତି। ସେ ଅଧିକାଂଶ ଚଳଚ୍ଚିତ୍ରରେ କାମ କରିଛନ୍ତି ଯେଉଁଥିରେ ସମାଜ ବିଷୟରେ ନିଶ୍ଚିତ ଭାବରେ କିଛି ଲୁକ୍କାୟିତ ବାର୍ତ୍ତା ଅଛି। ତେବେ ଅଭିନେତାଙ୍କ ପୂର୍ବ ଫିଲ୍ମ ‘ଲାଲ ସିଂ ଚଡ୍ଡା’ ଫ୍ଲପ ହେବାପରେ ଆମିର ଫିଲ୍ମରୁ ବିରତି ନେବାକୁ ଘୋଷଣା କରିଥିଲେ। ବର୍ତ୍ତମାନ ଖବର ଆସୁଛି ଯେ ସେ କମବ୍ୟାକ କରିବାକୁ ପ୍ରସ୍ତୁତ ଅଛନ୍ତି।
ଖବର ଅନୁଯାୟୀ, ଅଭିନେତା ପୁଣି ଥରେ ବଡ ପରଦାକୁ ଫେରିବାକୁ ପ୍ରସ୍ତୁତ ହେଉଛନ୍ତି । ଆଡଭୋକେଟ ଉଜ୍ଜ୍ୱଲ ନିକାମଙ୍କ ବାୟୋପିକରେ ମିଷ୍ଟର ପରଫେକ୍ସନିଷ୍ଟ ନଜର ଆସିପାରନ୍ତି। ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅବିନାଶ ଅରୁଣ। ଅବିନାଶ ‘ପାତାଲ ଲୋକ’, ’ସ୍କୁଲ ଅଫ ଲାଇଜ’ ଏବଂ ‘କିଲା’ ଭଳି ମୁଭି ନିର୍ମାଣ କରିଛନ୍ତି।
