ଓଡ଼ିଶା 365 (ବ୍ୟୁରୋ): ବଲିଉଡକୁ ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇ ଚର୍ଚ୍ଚାରେ ୟଶରାଜ୍ । ପ୍ରଥମେ ଶାହରୁଖଙ୍କ ପଠାନ ପରେ ପ୍ରଶଂସକମାନେ ଖୁବ୍ ଶୀଘ୍ର ଜଇଡ ଏଜେଣ୍ଟ ଅବିନାଶ ସିଂ ରାଠୋର ତଥା ସଲମାନ ଖାନଙ୍କ ‘ଟାଇଗର’ ‘ସହିତ ବଡ଼ ପରଦାରେ ଦେଖିବାକୁ ପାଇବେ। ଦର୍ଶକମାନେ ଏହି ଚଳଚ୍ଚିତ୍ରରୁ ‘ଟାଇଗରଙ୍କ ମେସେଜ୍’ ଗ୍ରହଣ କରିସାରିଛନ୍ତି। ବର୍ତ୍ତମାନ ପ୍ରଶଂସକମାନେ ଏହାର ଟ୍ରେଲରକୁ ଅପେକ୍ଷା କରିଛନ୍ତି । ଟାଇଗର-୩ ର ଉତ୍ସାହ ମଧ୍ୟରେ ବର୍ତ୍ତମାନ ୟଶ ରାଜ ବ୍ୟାନରରେ ନିର୍ମିତ ଅନ୍ୟ ସ୍ପାଏ ୟୁନିଭର୍ସ ଚଳଚ୍ଚିତ୍ର ‘ୱାର-୨’ର ରିଲିଜକୁ ନେଇ ବଡ ଖବର ସାମନାକୁ ଆସିଛି ।
୨୦୧୯ରେ ମୁକ୍ତିଲାଭ କରିଥିବା ହ୍ରିତିକ ରୋଶନ ଏବଂ ଟାଇଗର ଶ୍ରଫଙ୍କ ଫିଲ୍ମ ‘ୱାର’ ବକ୍ସ ଅଫିସରେ ଏକ ବ୍ଲକବଷ୍ଟର ପ୍ରମାଣିତ ହୋଇଥିଲା। ଏହି ଚଳଚ୍ଚିତ୍ରଟି ଭାରତରେ ପ୍ରାୟ ୩୧୭.୯୧ କୋଟି ଟଙ୍କା ବ୍ୟବସାୟ କରିଥିଲା। ବର୍ତ୍ତମାନ ଆମେ ଏହି ସଫଳ ଚଳଚ୍ଚିତ୍ର ‘ୱାର-୨’ର ଦ୍ୱିତୀୟ ଭାଗକୁ ଦେଖିବାକୁ ଉତ୍ସାହର ସହିତ ଅପେକ୍ଷା କରିଛୁ । ଯେଉଁଥିରେ ହ୍ରିତିକ ରୋଶନଙ୍କ ବିପକ୍ଷରେ ଆଉ କେହି ନୁହଁ ଜଜଜ ତାରକା ଔକ୍ସ ଘଞଜ ହେବେ ।
ସେପଟେ ଅକ୍ଟୋବର ୨ରେ ୱାର ରିଲିଜ୍ ହେବାର ଚାରି ବର୍ଷ ବିତିଗଲାଣି। ଏହି ଅବସରରେ ଚଳଚ୍ଚିତ୍ର ସମାଲୋଚକ ମନୋବାଲା ବିଜୟ ବାଲାନ ତାଙ୍କ ଅଫିସିଆଲ ଟ୍ୱିଟର ଆକାଉଣ୍ଟରେ ଏହି ସୂଚନା ସେୟାର କରି କହିଛନ୍ତି ଯେ ନିର୍ମାତାମାନେ ଜାନୁଆରୀ ୨୪, ୨୦୨୫ରେ ‘ୱାର-୨’ ରିଲିଜ କରିବାକୁ ଯୋଜନା କରୁଛନ୍ତି। ହେଲେ ଏପର୍ଯ୍ୟନ୍ତ ଏହା ସ୍ଥିର ହୋଇନାହିଁ ।
