ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ ଖଲାଡି ଷ୍ଟାର ଅକ୍ଷୟ କୁମାର । ଅକ୍ଷୟ ବର୍ତ୍ତମାନ ‘ଓ ମାଇଁ ଗଡ୍’ ହୋଇ ସମସ୍ତଙ୍କ ହୃଦୟରେ ରାଜ କରୁଛନ୍ତି । ତାଙ୍କ ଅଭିନିତ ଫିଲ୍ମ ‘ଓ ମାଇଁ ଗଡ୍-୨’କୁ ଦର୍ଶକମାନେ ମଧ୍ୟ ବିପୁଳ ମାତ୍ରାରେ ଭଲପାଇବା ଦେଇଛନ୍ତି, ଯାହାଫଳରେ ଏହି ଫିଲ୍ମ ଖୁବଶୀଘ୍ର ଓଟିଟିରେ ରିଲିଜ ହେବ ବୋଲି ଚର୍ଚ୍ଚା ହେଉଛି । ଶୁଣିବାକୁ ମିଳୁଛି କି, ଅକ୍ଟୋବର ୮ ତାରିଖରେ ନେଟଫ୍ଲିକ୍ସରେ ଷ୍ଟ୍ରିମିଂ ପାଇଁ ପ୍ରସ୍ତୁତ ହେଉଛି । ଅମିତ ରାୟଙ୍କ ନିର୍ଦ୍ଦେଶିତ ‘ଓଏମ୍ଜି-୨’ରେ ମୁଖ୍ୟ ଭୂମିକାରେ ଅକ୍ଷୟ କୁମାର, ପଙ୍କଜ ତ୍ରିପାଠୀ ଏବଂ ୟାମି ଗୌତମୀ ଅଭିନୟ କରିଛନ୍ତି। ଏହି ଚଳଚ୍ଚିତ୍ର କମେଡି ମାଧ୍ୟମରେ ଦର୍ଶକଙ୍କୁ ଭରପୂର ମନୋରଞ୍ଜନ କରାଇଛି ।
ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ‘ଓଏମ୍ଜି-୨’ ୧୯୦ଟି ଦେଶରେ ଦର୍ଶକଙ୍କ ପାଇଁ ଉପଲବ୍ଧ ହେବ। ନେଟଫ୍ଲିକ୍ସରେ ‘ଓଏମ୍ଜି-୨’ର ରିଲିଜ୍ ହେବାକୁ ନେଇ ଅକ୍ଷୟ କୁମାର କହିଛନ୍ତି କି ପ୍ରେକ୍ଷାଳୟରେ ମୁକ୍ତିଲାଭ କରିବା ପରେ ତାଙ୍କୁ ମିଳିଥିବା ଭଲପାଇବା ପାଇଁ ସେ ଖୁବ୍ ଆନନ୍ଦିତ। ଆମେ ନିଶ୍ଚିତ ଯେ ନେଟଫ୍ଲିକ୍ସ ସହିତ ଆମେ ଏହି ଚଳଚ୍ଚିତ୍ରକୁ ସାରା ବିଶ୍ୱରେ ମନୋରଞ୍ଜନ ପ୍ରେମୀଙ୍କ ନିକଟରେ ପହଞ୍ଚି ପାରିବୁ। ଆଶା କରେ ଆମର କଠିନ ପରିଶ୍ରମ ସଭିଙ୍କୁ ଆନନ୍ଦିତ କରିବ ବୋଲି କହିଛନ୍ତି ଅକ୍ଷୟ କୁମାର ।
