ଓଡ଼ିଶା 365 (ବ୍ୟୁରୋ): ତାମିଲ ଅଭିନେତ୍ରୀ ନୟନତାରା । ଯିଏ ନିଜର ଦମଦାର ଅଭିନୟ ଯାଦୁରେ ଦର୍ଶକମାନଙ୍କୁ ବାନ୍ଧି ରଖିଥାନ୍ତି । ନିକଟରେ ଫିଲ୍ମ ‘ଯବାନ’ରେ ନର୍ମଦା ଭୂମିକାରେ ଅଭିନୟ କରି ଦର୍ଶକ ମାନଙ୍କ ହୃଦୟରେ ରାଜ କରୁଛନ୍ତି ଏହି ତାମିଲ ସୁନ୍ଦରୀ । ସେ ଅନେକ ଚଳଚ୍ଚିତ୍ରରେ କାମ କରିଛନ୍ତି । ହେଲେ ତାଙ୍କୁ କୌଣସି ‘ଇଣ୍ଟର୍ଭିୟୁ’ ବା ସାକ୍ଷାତ୍କାରରେ ଅଧିକାଂଶ ଦେଖିବାକୁ ମିଳେନି । ହେଲେ ଆପଣ ଜାଣନ୍ତି କି ଏହା ପଛରେ ଏକ କାରଣ ରହିଛି । ଏହାକୁ ନେଇଁ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯାହା ନୟନତାରାଙ୍କ ଏକ ପୂରୁଣା ଭିଡିଓ । ‘ରେଡ୍ଡିଟ୍’ରେ ପୋଷ୍ଟ ହୋଇଥିବା ଭିଡିଓରେ ନୟନତାରା କହିଛନ୍ତି ଯେ ଗଣମାଧ୍ୟମରେ ପ୍ରକାଶିତ ହେଉଥିବା ମିଥ୍ୟା ଖବର ହେତୁ ସେ ଗଣମାଧ୍ୟମଠାରୁ ଦୂରେଇ ରୁହନ୍ତି। ଅଭିନେତ୍ରୀ ମାଲାୟାଲମ୍ ଭାଷାରେ କହୁଛନ୍ତି ଯେ ଗଣମାଧ୍ୟମ ତାଙ୍କୁ କିପରି ଅନାବଶ୍ୟକ ଭାବରେ ଟାର୍ଗେଟ୍ କରୁଛି। ସତ୍ୟାସତ୍ୟ ନଥିବା ଖବର ପରିବେଷଣ କରି ଅନେକ ସମୟରେ ଗଣମାଧ୍ୟମ ପ୍ରତିନିଧି ତାଙ୍କୁ ଟାର୍ଗେଟ କରୁଥିବା କଥା ସେ ପ୍ରକାଶ କରିଛନ୍ତି। ଯାହାକି ତାଙ୍କୁ ଏବଂ ତାଙ୍କ ପରିବାରକୁ କଷ୍ଟ ଦେଇଥାଏ।
ସେ ଆହୁରି ମଧ୍ୟ କହିଛନ୍ତି ଯେ, ତାମିଲ ଚଳଚ୍ଚିତ୍ରରେ ଗ୍ଲାମରସ୍ ଭୂମିକା ପାଇଁ ମାଲାୟାଲମ୍ ଦର୍ଶକ ତାଙ୍କୁ ସମାଲୋଚନା କରୁଛନ୍ତି। ମୁଁ ଯାହା କରୁଛି ତାହା ହେଉଛି ମୋର କାମ। ମୋର ନିର୍ଦ୍ଦେଶକମାନେ ଯାହା କହୁଛନ୍ତି ମୁଁ ତାହା କରୁଛି। ଏଥିରେ କେହି ଆଙ୍ଗୁଠି ଦେଖାଇ ପାରିବେ ନାହିଁ ବୋଲି ସେ ସ୍ପଷ୍ଟ କରି କହିଥିବା ଏହି ଭିଡିଓରେ ଦେଖିବାକୁ ମିଳିଛି।
