ଓଡ଼ିଶା 365 (ବ୍ୟୁରୋ): ଭାରତ ପରି ଲଣ୍ଡନରେ ‘ମହାଭାରତ’ର ସମସାମୟିକ ଥିଏଟର ମଞ୍ଚ ଆରମ୍ଭ ହୋଇଛି । ଏଥିରେ ଅନେକ ଭାରତୀୟ ସଙ୍ଗୀତ ଏବଂ ନୃତ୍ୟ କଳା ସ୍ଥାନ ପାଇବ । ଯାହା ଏକ ଚର୍ଚ୍ଚାର ବିଷୟ ପାଲଟିଛି । କାରଣ ମହାଭାରତ କେବଳ ଭାରତରେ ଦେଖିବାକୁ ମିଳେ । ଭାରତୀୟମାନଙ୍କ ବିଶ୍ୱାସ ଓ ଆଧ୍ୟାତ୍ମିକ ଭାବନା ପାଇଁ ଲୋକମାନଙ୍କ ମନରେ ଆଜି ବି ମହାଭାରତର ଗୋଟିଏ ଗୋଟିଏ ପଦ ଉଙ୍କି ମାରୁଛି । ମହାଭାରତ ଭାରତୀୟମାନଙ୍କ ପରିଚୟ । ହେଲେ ଏଥର ଭାରତରେ ନୁହେଁ ବରଂ ଲଣ୍ଡନରେ ‘ମହାଭାରତ’ର ସମସାମୟିକ ଥିଏଟର ମଞ୍ଚ ଆରମ୍ଭ ହୋଇଛି । ଏହି ଚରିତ୍ର ଗୁଡ଼ିକରେ ସାରା ବିଶ୍ୱରୁ ଅଭିନେତାମାନେ ସାମିଲ ହେବେ। ଏହି ମ୍ୟୁଜିକାଲ ଆସନ୍ତା ସପ୍ତାହରେ ବାରବିକାନ ଥିଏଟରରେ ବ୍ରିଟେନରେ ମଞ୍ଚସ୍ଥ ହେବ ବୋଲି ସୂଚନା ମିଳିଛି ।
ଏହାପୂର୍ବରୁ ଏହାକୁ କାନାଡାରେ ଏହାର ବିଶ୍ୱ ପ୍ରିମିୟର୍ ଟରୋଣ୍ଟୋର ‘ହ୍ବାଏ ନଟ୍ ଥିଏଟର’ ଏବଂ ଭାରତୀୟ ମୂଳ ସହ-ନିର୍ମାତା ମରିୟମ ଫର୍ଣ୍ଣାଣ୍ଡିଜ ଏବଂ ରବି ଜୈନଙ୍କ ଦ୍ୱାରା ହୋଇଥିଲା।
