ଏୟାରଫୋର୍ସ ପାଇଲଟ୍ ଲୁକରେ ନଜର ଆସିଲେ କଙ୍ଗନା

ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ କଙ୍ଗନା ରଣାଓ୍ଵତ । ଗତକାଲି କଙ୍ଗନାଙ୍କ ଅପକମିଂ ଫିଲ୍ମ ‘ତେଜସ’ର ଟିଜର ରିଲିଜ ହୋଇଛି । ଏହି ଟିଜରରେ କଙ୍ଗନାଙ୍କ ଲୁକ୍‌ ଏବଂ ଡାଇଲଗ୍ ଫ୍ୟାନ୍ସଙ୍କୁ ବେଶ୍‌ ପସନ୍ଦ ଆସିଛି । ଟିଜରରେ ଦେଶପ୍ରତି ସମ୍ମାନ ଏବଂ ଭଲପାଇବା ମଧ୍ୟ ଦେଖିବାକୁ ମିଳିଛି । ଏହାସହ କଙ୍ଗନା ଫ୍ଲାଇଂ ସୁଟ୍‌ ପିନ୍ଧି ଏୟାରଫୋର୍ସ ଷ୍ଟେସନରୁ ଉଡାଣ ଭରିବାକୁ ପ୍ରସ୍ତୁତ ଥିବା ଜଣାପଡିଛି । କଙ୍ଗନା ନିଜେ ସୋସିଆଲ ମିଡିଆରେ ଏହାର ଟିଜର ସେୟାର କରିଛନ୍ତି । ଟିଜର ରିଲିଜ କରି ଲେଖିଛନ୍ତି ଯେ, ନିଜ ଦେଶର ଭଲପାଇବା ଉଡାଣ ଭରିବାକୁ ମୁଁ ସଂପୂର୍ଣ୍ଣ ଭାବେ ପ୍ରସ୍ତୁତ । ଭାରତକୁ ଯିଏ ଅପମାନ କଲେ ଆମେ ଛାଡିବୁନି । ଏହି ପୋଷ୍ଟ ସହିତ ଫିଲ୍ମର ଟ୍ରେଲର ରିଲିଜ ମଧ୍ୟ କଙ୍ଗନା ସେୟାର କରିଛନ୍ତି ।ତେଜସର ଟିଜରରେ କଙ୍ଗନାଙ୍କ ଲୁକ୍‌ ଏବଂ ଡାଇଲଗ୍‌ ଫ୍ୟାନ୍ସଙ୍କ ହୃଦୟ ଜିତିନେଇଛି । ତେବେ ଫିଲ୍ମର ଟ୍ରେଲର ଅକ୍ଟୋବର ୮, ୨୦୨୩ରେ ରିଲିଜ ହେବ। ଫିଲ୍ମଟି ଅକ୍ଟୋବର ୨୭ରେ ରିଲିଜ ହେବ ବୋଲି ଜଣାପଡିଛି ।