ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ବଲିଉଡ କିଙ୍ଗ ଶାହରୁଖ ଖାନ୍ । ରେକର୍ଡ ସୃଷ୍ଟି କରୁଛି ‘ଜୱାନ’ । ସବୁ ହିନ୍ଦୀ ସିନେମାକୁ ପଛରେ ପକାଇ ଇତିହାସ ରଚିଲା କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ । କେବଳ ଭାରତ ନୁହେଁ ଦେଶ ବିଦେଶରେ ବି ହଇଚଇ ସୃଷ୍ଟି କରୁଛି ‘ଜୱାନ’ । ବକ୍ସ ଅଫିସରେ ଧମାଲ୍ କରିବା ସହ ଲୋକଙ୍କ ମନ ଜିଣିବାରେ ଲାଗିପଡିଛି । ପ୍ରଥମ ଦିନରେ ୧୨୯. ୬ କୋଟି ଆୟ କରିବା ଦିନ ଠାରୁ ଏହି ଫିଲ୍ମଟି ପ୍ରତ୍ୟେକ ଦିନ ଗୋଟିଏ ପରେ ଗୋଟିଏ ରେକର୍ଡ ସୃଷ୍ଟି କରି ଚାଲିଛି। ସମସ୍ତ ବ୍ଲକବଷ୍ଟର ଫିଲ୍ମର ରେକର୍ଡ ବ୍ରେକ୍ କରି ଚାଲିଛି କିଙ୍ଗ୍ ଖାନଙ୍କ ଫିଲ୍ମ ‘ଜୱାନ’ । ଏହି ମୁଭିଟି ବର୍ତ୍ତମାନ ଓ୍ବାର୍ଲଡ ଓ୍ବାଇଡ ୧୦୦୦ କୋଟି ଟଙ୍କା କ୍ଲବରେ ଯୋଗଦେବା ପାଇଁ ଅତି ନିକଟତର ହୋଇଛି। ଏହି ଫିଲ୍ମ ଘରୋଇ ବକ୍ସ ଅଫିସରେ ୬୦୦ କୋଟିରୁ ଅଧିକ ଆୟ କରିଛି। ଏହାସହ ଶାହାରୁଖ ଖାଁ ବର୍ତ୍ତମାନ ତାଙ୍କ ନାମରେ ଏକ ନୂଆ ରେକର୍ଡ କରିଛନ୍ତି।ଶାହାରୁଖ ପ୍ରଥମ ବଲିଉଡ ତଥା ଦ୍ୱିତୀୟ ଭାରତୀୟ ଅଭିନେତା ହୋଇପାରିଛନ୍ତି ଯିଏକି ଗୋଟିଏ ବର୍ଷ ମଧ୍ୟରେ ଭାରତୀୟ ବକ୍ସ ଅଫିସରେ ୧୦୦୦ କୋଟି ଟଙ୍କା କଲେକ୍ସନ୍ କରିଛନ୍ତି। ଚଳିତ ବର୍ଷ ଶାହାରୁଖ ଖାଁଙ୍କ ଅଭିନୀତ ‘ପଠାନ’ ଏବଂ ‘ଜୱାନ’ ଫିଲ୍ମ ସିନେମା ହଲରେ ମୁକ୍ତିଲାଭ କରିଛି।
ସେପଟେ, ରିଲିଜ୍ ହେବାର ୨୫ ଦିନ ପରେ ମଧ୍ୟ ପ୍ରେକ୍ଷାଳୟରେ ଏହାକୁ ଦେଖିବା ପାଇଁ ବହୁ ସଂଖ୍ୟାରେ ଦର୍ଶକ ଭିଡ଼ ଜମାଇଛନ୍ତି । ଚଳଚ୍ଚିତ୍ର ମଧ୍ୟ ଅନେକ ନୂଆ ରେକର୍ଡ ସୃଷ୍ଟି କରୁଛି । ୨୫ ଦିନରେ ମଧ୍ୟ ଫିଲ୍ମ ଏକ ମାଇଲଖୁଣ୍ଟ ଅତିକ୍ରମ କରି ଇତିହାସ ସୃଷ୍ଟି କରିଛି। ଶାହାରୁଖଙ୍କ ‘ଜୱାନ’ର କଲେକସନ୍ କମିବାର ନାଁ ଧରୁନି। ଏହି ଚଳଚ୍ଚିତ୍ରଟି ଚତୁର୍ଥ ସପ୍ତାହରେ ମଧ୍ୟ ବକ୍ସ ଅଫିସରେ ଭଲ ରୋଜଗାର କରୁଛି । ଶାହାରୁଖଙ୍କ ଏହି ଚଳଚ୍ଚିତ୍ର ଚତୁର୍ଥ ଶନିବାର ଅର୍ଥାତ୍ ରିଲିଜ୍ ହେବାର ୨୪ ତମ ଦିନରେ ୬୮.୩୨ ପ୍ରତିଶତ ସହିତ ୮.୫ କୋଟି ସଂଗ୍ରହ କରିଥିଲା । ବର୍ତ୍ତମାନ ଫିଲ୍ମ ରିଲିଜ୍ ର ୨୫ ତମ ଦିନର ରୋଜଗାରର ପ୍ରାରମ୍ଭିକ ଆକଳନ ଅର୍ଥାତ୍ ଚତୁର୍ଥ ଶନିବାର ଆସିଛି । ରିପୋର୍ଟ ଅନୁଯାୟୀ, ‘ଜୱାନ୍’ ରିଲିଜ୍ ହେବାର ୨୫ ଦିନରେ ଅର୍ଥାତ୍ ଚତୁର୍ଥ ରବିବାରରେ ୯.୫୦ କୋଟି ଟଙ୍କା ସଂଗ୍ରହ କରିଛି। ମୋଟ ରୋଜଗାର ବର୍ତ୍ତମାନ ୬୦୪.୯୫ କୋଟିରେ ପହଞ୍ଚିଛି।
