ଓଡ଼ିଶା 365 (ବ୍ୟୁରୋ): ଚର୍ଚ୍ଚାରେ ପାକିସ୍ତାନୀ ଅଭିନେତ୍ରୀ ମାହିରା ଖାନ । ୩୮ ବର୍ଷ ବୟସରେ ଦ୍ୱିତୀୟ ବିବାହ କରି ସୋସିଆଲ ମିଡିଆରେ ଚର୍ଚ୍ଚିତ ଜେହେରା ପାଲଟିଛନ୍ତି ଏହି ଅଭିନେତ୍ରୀ । ମାହିରା ହେଉଛନ୍ତି ଏକମାତ୍ର ଅଭିନେତ୍ରୀ ଯିଏକି ବଲିଉଡ ତାରକା ଶାହାରୁଖ ଖାନଙ୍କ ସହ ପାକିସ୍ତାନୀ ଅଭିନେତ୍ରୀ ଭାବରେ କାମ କରିଛନ୍ତି। ମାହିରା ୨୦୦୭ରେ ତାଙ୍କ ପିଲାଦିନର ବନ୍ଧୁ ତଥା ପ୍ରେମିକ ଅଲି ଆସ୍କାରିଙ୍କୁ ବିବାହ କରିଥିଲେ। କିନ୍ତୁ ୨୦୧୫ରେ ଦୁହିଁଙ୍କର ଛାଡପତ୍ର ହୋଇଥିଲା , ହେଲେ ବର୍ତ୍ତମାନ ମାହିରା ପୁଣିଥରେ ତାଙ୍କ ପ୍ରେମିକ ତଥା ବ୍ୟବସାୟୀ ସଲିମ କରିମଙ୍କୁ ବିବାହ କରିଛନ୍ତି। ଯାହାର ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।
ମାହିରାଙ୍କ ସଲିମ୍ ଦୁହେଁ ଏକ ଅନ୍ତରଙ୍ଗ ଭାବରେ ବିବାହ କରିଥିଲେ। ବିବାହର ପ୍ରଥମ ଭିଡିଓ ମାହିରା ମ୍ୟାନେଜର ଅନୁଷ୍କା ତାଲହ ଖାନ ସେୟାର କରିଛନ୍ତି। ଏଥିରେ ମାହିରା କନ୍ୟା ବେଶରେ ସ୍ୱାମୀଙ୍କ ନିକଟକୁ ଆସୁଥିବାର ନଜର ଆସିଛନ୍ତି। ଏହି ସମୟରେ, ତାଙ୍କ ବର ସଲିମ ମାହିରାଙ୍କୁ ଦେଖିବା ପରେ ଖୁସିରେ କାନ୍ଦୁଥିବା ଦେଖିବାକୁ ମିଳିଥିଲା । ମାହିରା ଅଫ୍ ହ୍ଵାଇଟ୍ ଲେହେଙ୍ଗା ପିନ୍ଧିଥିବାବେଳେ ସଲିମ କଳା ଶେରୱାନିରେ ଖୁବ୍ ସୁନ୍ଦର ଦେଖାଯାଉଛନ୍ତି । ଏହି ସମୟରେ ଦୁହେଁ ପରସ୍ପରକୁ ଆଲିଙ୍ଗନ କରି ବିବାହର ରୀତିନୀତି ଆରମ୍ଭ କରିଛନ୍ତି ।
ସେହିପରି,ସଲିମ ବୃତ୍ତି ଅନୁଯାୟୀ ଜଣେ ବ୍ୟବସାୟୀ ଏବଂ ମାହିରାଙ୍କୁ ବହୁତ ଦିନରୁ ଜାଣିଛନ୍ତି । ଶାହାରୁଖଙ୍କ ଫିଲ୍ମ ‘ରଇସ୍’ ୨୦୧୭ରେ ମୁକ୍ତିଲାଭ କରିଥିଲା। ମାହିରା ପ୍ରଥମ ଥର ପାଇଁ ଫିଲ୍ମ ମାଧ୍ୟମରେ ଶାହାରୁଖଙ୍କ ସହ ସ୍କ୍ରିନ୍ ସେୟାର କରିଥିଲେ। ଏହି ଚଳଚ୍ଚିତ୍ରରେ ସେ ଶାହାରୁଖଙ୍କ ପତ୍ନୀ ଆସିଆ ଭୂମିକାରେ ଅଭିନୟ କରିଥିଲେ।
