ଜମ୍ମୁ-କଶ୍ମୀରରେ ସେନାକୁ ବଡ଼ ସଫଳତା, ସେନା ଗୁଳିରେ ୨ ଆତଙ୍କବାଦୀ ନିହତ 

ଓଡ଼ିଶା 365 (ବ୍ୟୁରୋ) : ଜମ୍ମୁ-କଶ୍ମୀରରେ ସେନାକୁ ବଡ଼ ସଫଳତା ମିଳିଛି । କୁପଓ୍ୱାଡାରେ ଅନୁପ୍ରବେଶ ଉଦ୍ୟମ କରୁଥିବା ୨ ଆତଙ୍କବାଦୀ ସେନା ଗୁଳିରେ ନିହତ ହୋଇଛନ୍ତି। ଯବାନ ମାନେ ଗୁଇନ୍ଦା ସୁତ୍ରରୁ ଖବର ପାଇ ଅନୁପ୍ରବେଶ କରିବାକୁ ଚେଷ୍ଟା ସେକ୍ଟରରେ ସର୍ଚ୍ଚ ଅପରେସନ କରିଥିଲେ । ସେନା ଯବାନ ଆତଙ୍କବାଦୀଙ୍କୁ ଘେରି ରହିବାକୁ ଚେଷ୍ଟା କରିଥିଲେ । ଏହି ସମୟରେ ଗୁଳି ବିନିମୟ ଘଟି ୨ ଅନୁପ୍ରବେସ କାରି ନିହତ ହୋଇଛନ୍ତି । ଏହି ସ୍ଥାନରୁ ଅଧିକ ଆତଙ୍କବାଦୀଙ୍କ ଅନୁପ୍ରବେଶ ହେବାର ସମ୍ଭାବନା ରହିଛି। ସେନା ଏବଂ ପୋଲିସ ମିଳିତ ଭାବେ ସର୍ଚ୍ଚ ଅପରେସନ ଜାରି ରଖିଛନ୍ତି । ସୂଚନା ଅନୁଯାୟୀ ସେନା ଏବଂ ପୋଲିସ ମାଛିଲ ସେକ୍ଟରର କୁମକାଡି ଅଞ୍ଚଳରେ ମିଳିତ ଅପରେସନ ଆରମ୍ଭ କରିଛନ୍ତି। ଆତଙ୍କବାଦୀଙ୍କ ଠାରୁ ଦୁଇଟି ଏକେ ରାଇଫଲ, ଚାରିଟି ଏକେ ୪୭, ୯୦ ରାଉଣ୍ଡ ଗୁଳି, ଗୋଟିଏ ପାକିସ୍ତାନୀ ପିସ୍ତଲ, ଗୋଟିଏ ଥଳି ଓ ୨୧୦୦ ଟଙ୍କା ମୂଲ୍ୟର ପାକିସ୍ତାନୀ ମୁଦ୍ରା ଜବତ କରାଯାଇଛି। ଘଟଣା ସ୍ଥଳରେ ସର୍ଚ୍ଚ ଅପରେସନ ଚାଲିଛି।