ଓଡ଼ିଶା 365 (ବ୍ୟୁରୋ): ଶାହରୁଖ ଖାଁଙ୍କ ‘ପଠାନ’ ଏବଂ ‘ଜୱାନ’ ବ୍ଲକବଷ୍ଟର ହୋଇସାରିବା ପରେ ଏବେ ଅଭିନେତା ରାଜକୁମାର ହିରାନୀଙ୍କ ଫିଲ୍ମ ‘ଡଙ୍କି’ର ରିଲିଜ ପାଇଁ ପ୍ରସ୍ତୁତ ହେଉଛନ୍ତି। ହେଲେ ଏହାରି ମଧ୍ୟରେ ଖ୍ରୀଷ୍ଟମାସରେ ଶାହାରୁଖ ବନାମ ପ୍ରଭାସ ହେବାକୁ ଯାଉଛନ୍ତି। କାରଣ ଉଭୟ ଅଭିନେତାଙ୍କ ଆଗାମୀ ଫିଲ୍ମ ଏକ ସମୟରେ ରିଲିଜ ହେବ। ଫିଲ୍ମ ଟ୍ରେଡ ଆନାଲିଷ୍ଟ ମନୋବାଲା ବିଜୟବାଲାନ ସାଲାର ପାର୍ଟ ୧ ରିଲିଜ ତାରିଖ ଟୁଇଟର (ଏକ୍ସ)ରେ ସେୟାର କରିଛନ୍ତି।
ମନୋବାଲା ବିଜୟବାଲାନ ଟୁଇଟ କରି କହିଛନ୍ତି ଯେ, ବ୍ରେକିଙ୍ଗ ପାନ ଇଣ୍ଡିଆ ତାରକା ପ୍ରଭାସଙ୍କ ‘ସାଲାର’ ୨୨ ଡିସେମ୍ବର ୨୦୨୩ରେ ସାରା ବିଶ୍ୱରେ ବଡ ପରଦାରେ ରିଲିଜ ହେବ। ସାଲାର ପାର୍ଟ ୧: ସିଜଫାୟାର ଡିସେମ୍ବର ୨୨ରେ । ଶାହାରୁଖ ଖାଁଙ୍କ ଡଙ୍କି ସହ କ୍ଲାସ। ଡେଟ ଏତେ ଭଲ ଯେ ପ୍ରଶାନ୍ତ ନୀଲଙ୍କ ସାଲାର ବିଶ୍ୱର ବକ୍ସ ଅଫିସରେ ବର୍ଷର ଏକ ଐତିହାସିକ ଆରମ୍ଭ ହେବ। କିଛି ବୈଷୟିକ ସମସ୍ୟା ହେତୁ ସାଲାର ରିଲିଜ ତାରିଖ ସ୍ଥଗିତ ରଖାଯାଇଥିଲା। ଏହା ପୂର୍ବରୁ ସେପ୍ଟେମ୍ବର ୨୮ରେ ଏହା ରିଲିଜ ହେବାର ଥିଲା। ବର୍ତ୍ତମାନ ଏହା ୨୨ ଡିସେମ୍ବରରେ ରିଲିଜ ହେବାକୁ ଯାଉଛି ।
