ଓଡ଼ିଶା 365 (ବ୍ୟୁରୋ) : ଚର୍ଚ୍ଚାରେ ସୁପରଷ୍ଟାର ୟଶ ରାଜ । ‘କେଜିଏଫ୍’ ୟଶ ରାଜଙ୍କ ଜୀବନକୁ ପରିବର୍ତ୍ତନ କରିଦେଇଛି । ‘କେଜିଏଫ୍’ ରେ ଦର୍ଶକ ୟଶଙ୍କୁ ଏତେମାତ୍ରାରେ ଭଲପାଇବା ଦେଇଛନ୍ତି ଯେ , ଯେଉଁଥିପାଇଁ ଦର୍ଶକମାନେ ‘କେଜିଏଫ୍-୨’ ମଧ୍ୟ ଦେଖିବାକୁ ପାଇଥିଲେ । ଯାହା ବକ୍ସ ଅଫିସରେ ସୁପରହିଟ୍ ହେବା ସହ ୧୧୦୦ କୋଟି ବ୍ୟବସାୟ କରିଥିଲା। ହେଲେ ବର୍ତ୍ତମାନ ଦର୍ଶକ ମାନଙ୍କ ପାଇଁ ଏକ ଖୁସି ଖବର ଆସିଛି । ଚର୍ଚ୍ଚା ହେଉଛି ଯେ, ଖୁବଶୀଘ୍ର ଏହି ଫିଲ୍ମର ତୃତୀୟ ଭାଗ ଆସିବାକୁ ଯାଉଛି ।
ଖବର ମୁତାବକ, ସୁପରଷ୍ଟାର ୟଶଙ୍କୁ ନେଇ ‘କେଜିଏଫ୍-୩’ ନିର୍ମାଣ ଲାଗି ପ୍ରସ୍ତୁତି ଆରମ୍ଭ ହୋଇଛି। ଜଣାଶୁଣା ନିର୍ଦ୍ଦେଶକ ପ୍ରଶାନ୍ତ ନୀଲ ୨୦୨୩ ଶେଷ ଆଡକୁ ଫିଲ୍ମକୁ ନେଇ ବଡ଼ ଘୋଷଣା କରିପାରନ୍ତି ବୋଲି କୁହାଯାଉଛି। ୨୦୨୪ରେ ଏହାର ଶୁଟିଂ ହେବାକୁ ଥିବା ବେଳେ ୨୦୨୫ରେ ରିଲିଜ୍ ହେବ ବୋଲି ଜଣାପଡ଼ିଛି। ସେପଟେ ଏକଥା ଶୁଣି ଦର୍ଶକମାନେ ମଧ୍ୟ ବେଶ୍ ଖୁସି ହୋଇଯାଇଛନ୍ତି ।
