ଓଡ଼ିଶା 365 (ବ୍ୟୁରୋ) : ବିଶ୍ୱ ରେକର୍ଡ କଲା ତାଳଚେର ଗଣେଶ ପୂଜା ଲଡ଼ୁ, ୨୨ ଲକ୍ଷରୁ ଅଧିକ ଟଙ୍କାରେ ନିଲାମ ହେଲା ଏହିଲଡ଼ୁ । ୩୧ କୁଇଣ୍ଟାଲ ଓଜନର ଏହି ବିଶାଳ କାୟ ଲଡ଼ୁକୁ ପୂଜାର ଶେଷ ଦିନରେହିଁ ନିଲାମ କରାଯାଇଥିଲା । ୨୨ ଲକ୍ଷ ୨୨ ହଜାର ୨୨୨ଟଙ୍କାରେ ଏହି ଲଡ଼ୁ ନିଲାମ ହୋଇଛି । ୩୧ କୁଇଣ୍ଟାଲ ଓଜନର ଏହି ବିଶାଳ ଲଡ଼ୁ ଓ୍ୱାର୍ଲଡ଼ ରେକର୍ଡରେ ସ୍ଥାନ ପାଇବା ସହ ୨୨ ଲକ୍ଷ ଟଙ୍କାରେ ନିଲାମ ସ୍ଥଳକୁ ଅଣାଯାଇଥିଲା ।
ତେବେ ଏହି ବିଶାଳ କାୟ ଲଡ଼ୁକୁ ଏକ ଟ୍ରକରେ ଶୋଭାଯାତ୍ରାରେ ନିଲାମ ସ୍ଥଳକୁ ନିଆଯାଇଥିଲା । ତେବେ ପ୍ରଥମେ ୮ ଲକ୍ଷ ୭୦ ହଜାର ଟଙ୍କାରୁ ନିଲାମର ଆରମ୍ଭ ହୋଇଥିଲା ପରେ ଏହା ୨୨ଲକ୍ଷ ପାର କରିଥିଲା । ତେବେ ପୂର୍ବ ବର୍ଷ ମୁମ୍ୱାଇରେ ୨୨ କୁଇଣ୍ଟାଲର ଲଡ଼ୁ ତିଆରି କରାଯାଇଥିବା ବେଳେ ଚଳିତ ବର୍ଷ ତାଳଚେରରେ ୩୧ କୁଇଣ୍ଟାଲ ଓଜନର ଲଡୁ ନିର୍ମାଣ କରାଯାଇ ବାଶ୍ୱ ରେକର୍ଡରେ ସାମିଲ ହୋଇଛି ।
