ଓଡ଼ିଶା 365 (ବ୍ୟୁରୋ) : ଆଗକୁ ଆସୁଛି ସଲମାନ ଖାନଙ୍କ ଫିଲ୍ମ ‘ଟାଇଗର ୩’ । ଚର୍ଚ୍ଚାରେ ସଲମାନ ଓ କ୍ୟାର୍ଟିନାଙ୍କ ଯୋଡି । ନିକଟରେ ଏହି ଫିଲ୍ମର ଟିଜର ରିଲିଜ୍ ହୋଇଛି ।ଯାହା ଦାର୍ଶକ ମାନଙ୍କ ମନ କିଣିନେଇଛି । ଏଥିରେ ସଲମାନ୍ ଖାନ୍, କ୍ୟାଟ୍ରିନା କୈଫଙ୍କ ସହ ଇମ୍ରାନ୍ ହାସମୀ, ରିଦ୍ଧି ଡୋଗରା, ଭିଶାଲ୍ ଜେଠଓ୍ବା, ଅଭିନୟ ରାଏ ସିଂ, ଆଶୁତୋଶ ରଣା , ରଣବୀର ସୋରି ଓ ଇଡଓ୍ବାର୍ଡ ସୋନେନବିକଙ୍କୁ ମଧ୍ୟ ଦେଖିବାକୁ ମିଳିବ। ହେଲେ ଆପଣ ଜାଣନ୍ତି କି, ଏହି ଫିଲ୍ମ ପାଇଁ ସଲମାନ କେତେ ଫି’ ନେଇଛନ୍ତି । ଏଥିପାଇଁ ଭାଇଜାନ ପାଖାପାଖି ୧୦୦ କୋଟି ନେଇଛନ୍ତି । ସେହିପରି ସଲମାନଙ୍କ ବିପକ୍ଷରେ ନାୟିକା ସାଜିଛନ୍ତି କ୍ୟାଟ୍ରିନା କୈଫ୍ । କିନ୍ତୁ ଭାଇଜାନ୍ଙ୍କ ତୁଳନାରେ କ୍ୟାଟ୍ରିନାଙ୍କ ଫି ବହୁତ୍ କମ୍ ରହିଛି । ସେ ଏହି ଫିଲ୍ମ ପାଇଁ ପାଖାପାଖି ୧୦ କୋଟି ନେଇଥିବା ଜଣାପଡି଼ଛି । ଟାଇଗର୍-୩ରେ ଇମ୍ରାନ୍ ହାସମୀ ନଜର ଆସିବେ। ସେ ଫିଲ୍ମରେ ନେଗେଟିଭ୍ ରୋଲ ପାଇଁ ନେଇଛନ୍ତି ୨.୫ କୋଟି ।ସେହିପରି ଆଶୁତୋଶ ରଣା ମଧ୍ୟ ଫିଲ୍ମରେ ଜଣେ ଗୁପ୍ତଚର ଭାବେ ନଜର ଆସିବେ । ଫିଲ୍ମରେ ତାଙ୍କ ନାଁ କର୍ଣ୍ଣଲ୍ ଲୁଥରା ରହିଛି ସେ ଏହି ଫିଲ୍ମ ପାଇଁ ପାଖାପାଖି ୬୦ କୋଟି ନେଇଛନ୍ତି।ରଣଭୀର ସୋରି ବି ଫିଲ୍ମରେ ଜଇଡ ଏଜେଣ୍ଟ ଭୂମିକାରେ ନଜର ଆସିବେ । ଏଥିପାଇଁ ତାଙ୍କୁ ମିଳିଛି ୫୦ ଲକ୍ଷ ମିଳିଛି । କ୍ୟାଟ୍ରିନାଙ୍କ ବ୍ୟତିତ ଫିଲ୍ମରେ ଲେଡି ଆଟିଷ୍ଟ ଭାବେ ରିଦ୍ଧି ଡୋଗ୍ରା ନଜର ଆସିବେ । ସେ ଏଥିପାଇଁ ଚାର୍ଜ କରିଛନ୍ତି ୩୦ ଲକ୍ଷ ଟଙ୍କା।ଫିଲ୍ମରେ ଅଭିନୟ ପାଇଁ ଭିଶାଲ୍ ଜେଠଓ୍ବା ନେଇଛନ୍ତି ୨୦ ଲକ୍ଷ ଟଙ୍କାର ପାରିଶ୍ରମିକ ।
ପୂର୍ବରୁ ଭାଇଜାନଙ୍କ ‘ଏକ ଥା ଟାଇଗର’ ୩୩୪ କୋଟିରୁ ଅଧିକ ରୋଜଗାର କରିଥିଲା । ସେହିପରି ସଲ୍ଲୁଙ୍କ ‘ଟାଇଗର ଜିନ୍ଦା ହେ’ ବକ୍ସ ଅଫିସ୍ରେ ୫୭୦ କୋଟି ଟଙ୍କା ରୋଜଗାର କରିଥିଲା। ସବୁଠୁ ବଡ଼ କଥା ହେଉଛି ‘ଟାଇଗର-୩’ରେ ପଠାନ୍ ଫେମ୍ ଶାହରୁଖ ନଜର ଆସିବେ । ସଲମାନ୍ଙ୍କ ସହ ଶାହରୁଖ୍ ମଧ୍ୟ ସ୍କ୍ରିନ୍ ସେୟାର କରୁଥିବା ଦେଖିବାକୁ ମିଳିବ । ସେପଟେ ବଲିଉଡର ଦୁଇ ଷ୍ଟାରଙ୍କୁ ଏକାଠୀ ଦେଖିବାକୁ ଚାହିଁ ରହିଛନ୍ତି ଦର୍ଶକ । ରିପୋର୍ଟ ଅନୁଯାୟୀ, ଟାଇଗର୍-୩ ପାଇଁ ଆନୁମାନିକ ୩୩୦୦କୋଟି ଖର୍ଚ୍ଚ ହୋଇଥିବା କୁହାଯାଉଛି । ତେବେ ଏହି ଫିଲ୍ମ ୧୦ ନଭେମ୍ବର ୨୦୨୩ରେ ରିଲିଜ୍ ବୋଲି ସୂଚନା ମିଳିଛି ।
